ബെയ്ജിങ്: കിഴക്കൻ ലഡാക്കിലെ ഇന്ത്യ-ചൈന അതിർത്തിയിൽ നിലയുറപ്പിച്ചിരിക്കുന്ന സൈനികരുമായി ചൈനീസ് പ്രസിഡന്റ് ഷി ജിൻപിങ് വീഡിയോ സംഭാഷണം നടത്തി അവരുടെ യുദ്ധ സന്നദ്ധത പരിശോധിച്ചതായി റിപ്പോർട്ട്.
സിൻജിയാങ് മിലിട്ടറി കമാൻഡിന് കീഴിലുള്ള ഖുൻജെറാബിലെ അതിർത്തി പ്രതിരോധ സാഹചര്യത്തെക്കുറിച്ച് പീപ്ൾസ് ലിബറേഷൻ ആർമി (പി.എൽ.എ) ആസ്ഥാനത്ത് നിന്ന് ഷി സൈനികരെ അഭിസംബോധന ചെയ്തു.
ഭരണകക്ഷിയായ കമ്മ്യൂണിസ്റ്റ് പാർട്ടി ഓഫ് ചൈനയുടെ ജനറൽ സെക്രട്ടറിയും പി.എൽ.എയുടെ കമാൻഡർ-ഇൻ-ചീഫുമായ ഷി, സൈനികരോടുള്ള തന്റെ പരാമർശത്തിൽ, "അടുത്ത വർഷങ്ങളിൽ, ഈ പ്രദേശം എങ്ങനെ നിരന്തരം മാറിക്കൊണ്ടിരിക്കുന്നു" എന്നും അത് എങ്ങനെയെന്നും പരാമർശിച്ചു.
ഇത് സൈന്യത്തെ സ്വാധീനിച്ചതായി ഔദ്യോഗിക മാധ്യമങ്ങളിൽ പ്രദർശിപ്പിച്ച വീഡിയോയിൽ പറയുന്നു. അവരുടെ അവസ്ഥയെ കുറിച്ചും നല്ല പച്ചക്കറികളൊക്കെ ലഭിക്കുന്നുണ്ടോയെന്നും ഷി ചോദിക്കുന്നുണ്ട്. ഇപ്പോൾ അതിർത്തിയിൽ ചലനാത്മകവും 24 മണിക്കൂറും നിരീക്ഷണം നടത്തുകയാണെന്ന് സൈനികരിലൊരാൾ മറുപടി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.