ബീർശേബ: ഭീകരതക്കുറ്റം ആരോപിച്ച് ഗസ്സയിലെ ചാരിറ്റി പ്രവർത്തകന് ഇസ്രായേൽ കോടതി 12 വർഷത്തെ തടവുശിക്ഷ വിധിച്ചു. യു.എസ് ആസ്ഥാനമായ അന്താരാഷ്ട്ര ക്രിസ്ത്യൻ സഹായ സംഘടന വേൾഡ് വിഷന്റെ ഗസ്സ ഡയറക്ടർ മുഹമ്മദ് അൽ ഹലാബിയെയാണ് തെക്കൻ ഇസ്രായേലിലെ ബീർശേബ ജില്ല കോടതി ശിക്ഷിച്ചത്.
വേൾഡ് വിഷനിലും അതിന്റെ ദാതാക്കളിലുംനിന്ന് വർഷംതോറും ദശലക്ഷക്കണക്കിന് ഡോളറുകളും സ്റ്റീൽ പൈപ്പും ഹമാസിന് വകമാറ്റി നൽകിയെന്നാണ് കുറ്റം. 2016 ജൂണിൽ അറസ്റ്റിലായ ഹലാബി ആറുവർഷമായി വിചാരണത്തടങ്കലിലായിരുന്നു. ഹമാസ് സംഘടനയിൽ അംഗത്വം, വിവരങ്ങൾ നൽകൽ, ആയുധം കൈവശംവെക്കൽ തുടങ്ങിയവയിൽ അൽ ഹലാബി കുറ്റക്കാരനാണെന്ന് കോടതി വിധിച്ചതിനെ തുടർന്നായിരുന്നു തടങ്കൽ.
വിചാരണയും നീണ്ട തടങ്കലും ഇസ്രായേലും ഫലസ്തീനികൾക്ക് സഹായം നൽകുന്ന മാനുഷിക സംഘടനകളും തമ്മിലുള്ള ബന്ധം കൂടുതൽ വഷളാക്കിയിരുന്നു. ആഗോളതലത്തിൽ 40,000 ജീവനക്കാരുള്ള യു.എസ് ആസ്ഥാനമായ ക്രിസ്ത്യൻ ചാരിറ്റി സംഘടനയാണ് വേൾഡ് വിഷൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.