സൻആ: യമനിൽ യു.എൻ മാധ്യസ്ഥ്യത്തിലുള്ള വെടിനിർത്തൽ കരാർ ലംഘിച്ച് സർക്കാറിൻെറ ഉടമസ്ഥതയിലുള്ള വ്യോമതാവളത്തിൽ ഹൂതി വിമതരുടെ ഡ്രോൺ ആക്രമണം. ആക്രമണത്തിൽ ആറ് സൈനികർ കൊല്ലപ്പെട്ടു. നിരവധി പേർക്ക് പരിക്കേറ്റു. സൈനിക പരേഡിനിടെയാണ് സംഭവം. ഏദനിൽനിന്ന് 60 കി.മി അകലെയുള്ള ലാഹിജ് പ്രവിശ്യയിലെ അൽ അനദ് വ്യോമതാവളത്തിൽ ആക്രമണം നടത്തിയത് ഹൂതികൾ സ്ഥിരീകരിച്ചിട്ടുണ്ട്. ശീതയുദ്ധ കാലത്ത് സോവിയറ്റ് യൂനിയനാണ് ഇൗ വ്യോമതാവളം പണിതത്. 2014ൽ ഹൂതികൾ പിടിച്ചെടുത്തു. തൊട്ടടുത്ത വർഷം യമൻ സൈന്യം ഹൂതികളിൽനിന്ന് തിരിച്ചുപിടിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.