യുക്രെയ്ൻ വിമാനം ഇറാനിൽ തകർന്നു വീണു; 176 മരണം

തെഹ്റാൻ: യുക്രെയ്ൻ യാത്രാവിമാനം ഇറാനിലെ തെഹ്റാനിൽ തകർന്നു വീണ് 176 മരണം. യുക്രെയ്ൻ ഇന്‍റർനാഷണൽ എയർലൈൻ വിമാനം ഇമ ാം ഖാംനഈ വിമാനത്താവളത്തിന് സമീപമാണ് തകർന്നത്. അപകടത്തിന് കാരണം സാങ്കേതിക തകരാറാണെന്നാണ് നിഗമനം. വിമാനം തകർന്നു വീഴുന്നതിന്‍റെ ദൃശ്യം ഇറാൻ വാർത്താ ഏജൻസി ഇസ്ന പുറത്തുവിട്ടു.

ബോയിങ് 737-800 ജെറ്റ് വിമാനമാണ് തകർന്നത്. പറന്നുയർന്ന ഉടനെ തെഹ്റാന് തെക്ക് പടിഞ്ഞാറ് പ്രാന്ത പ്രദേശമായ പരാന്തിൽ വീഴുകയായിരുന്നു.

തെഹ്റാനിൽ നിന്ന് യുക്രെയ്ൻ തലസ്ഥാനമായ കീവിലെ ബോറിസ് പിൽ രാജ്യാന്തര വിമാനത്താവളത്തിലേക്ക് പോകുകയായിരുന്നു. പുലർച്ചെ 5.15ന് പുറപ്പെടേണ്ടിയിരുന്ന വിമാനം ഒരു മണിക്കൂറോളം വൈകി 6.12നാണ് പുറപ്പെട്ടത്.