സോള്‍: ദക്ഷിണ കൊറിയയും ഉത്തര കൊറിയയും സമാധാന ചര്‍ച്ച പുനരാരംഭിക്കണമെന്ന് യു.എന്‍ സെക്രട്ടറി ജനറല്‍ ബാന്‍ കി മൂണ്‍. ഇരു രാജ്യങ്ങളും തമ്മിലുള്ള പ്രശ്നം വടക്കുകിഴക്കന്‍ ഏഷ്യയത്തെന്നെ ആശങ്കയിലാഴ്ത്തിയിരിക്കുകയാണെന്നും അദ്ദേഹം പറഞ്ഞു. ജന്മരാജ്യമായ ദക്ഷിണ കൊറിയയില്‍ എത്തിയ അദ്ദേഹം ഒരു സമ്മേളനത്തില്‍ സംസാരിക്കവെയാണ് ചര്‍ച്ചയുടെ ആവശ്യകത വിശദമാക്കിയത്. ജനുവരിയില്‍ ഉത്തര കൊറിയ ആണവ പരീക്ഷണവും തുടര്‍ന്ന് ദക്ഷിണ കൊറിയ-അമേരിക്ക സംയുക്ത സൈനികാഭ്യാസവുമെല്ലാം മേഖലയിലെ സ്ഥിതി ചെറിയ ഇടവേളക്കുശേഷം വീണ്ടും വഷളാക്കിയിരുന്നു. ഈ സാഹചര്യത്തില്‍കൂടിയാണ് മൂണിന്‍െറ പ്രസ്താവന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.