ഇന്തോനേഷ്യയിൽ വൻഭൂചലനം; സുനാമി മുന്നറിയിപ്പ് 

ജക്കാർത്ത: ഇന്തോനേഷ്യയിൽ വൻഭൂചലനം. റിക്ടർ സ്കെയിലിൽ 7.8 തീവ്രത രേഖപ്പെടുത്തിയ ഭൂചലനത്തെ തുടർന്ന് സുനാമി മുന്നറിയിപ്പ് നൽകി. തെക്കു പടിഞ്ഞാറൻ മേഖലയായ പടങ്ങിൽ നിന്നും 805 കിലോമീറ്റർ അകലെയാണ് ഭൂചലനത്തിന്റെ പ്രഭവകേന്ദ്രം. വടക്ക്- തെക്ക് സുമാത്ര പ്രദേശത്താണ് അധികൃതർ സുനാമി മുന്നറിയിപ്പ്  നൽകിയത്. ഭൂചലനത്തെതുടർന്ന് ആർക്കെങ്കിലും പരുക്കേറ്റതായോ നാശനഷ്ടങ്ങളുണ്ടായതായോ റിപ്പോർട്ടുകൾ അറിവായിട്ടില്ല. പസഫിക് സമുദ്രത്തിലെ ദ്വീപുകളിൽ ആസ്ട്രേലിയയും സുനാമി മുന്നറിയിപ്പ് നൽകിയിട്ടുണ്ട്. 

2004 ൽ സുമാത്ര പ്രഭവ കേന്ദ്രമായി റിക്ടര്‍ സ്‌കെയ്‌ലില്‍ 9.1 തീവ്രത രേഖപ്പെടുത്തിയ ഭൂചലനത്തെ തുടർന്നുണ്ടായ സുനാമിത്തിരകൾ ഇന്തൊനീഷ്യ, ശ്രീലങ്ക, ഇന്ത്യ, തായ്‌ലന്‍ഡ് തുടങ്ങി 14 രാജ്യങ്ങളിലായി 2,30,000 പേരുടെ ജീവനെടുത്തിരുന്നു.