നയ്പിഡാവ്: രാജ്യത്ത് പട്ടാളഭരണകൂടം തയാറാക്കിയ ഭരണഘടനയില്‍ മാറ്റം കൊണ്ടുവരേണ്ടത് സ്ഥായിയായ ഫെഡറല്‍ ജനാധിപത്യ ഭരണത്തിന് തുടക്കംകുറിക്കാന്‍ അനിവാര്യമാണെന്ന് മ്യാന്മര്‍ ഭരണകക്ഷി നേതാവ് ഓങ്സാന്‍ സൂചി പറഞ്ഞു. രാജ്യത്ത് ജനാധിപത്യം ഉറപ്പാക്കുന്നതിനുള്ള വഴി സര്‍ക്കാര്‍ സ്വീകരിക്കുമെന്നും ജനങ്ങള്‍ക്ക് ഇതുമൂലം ബുദ്ധിമുട്ടുണ്ടാകില്ളെന്നും ഭരണകക്ഷിയായ നാഷനല്‍ ലീഗ് ഫോര്‍ ഡെമോക്രസി നേതാവുകൂടിയായ സൂചി വ്യക്തമാക്കി.
പാര്‍ലമെന്‍റിലെ ഇരു സഭകളിലും നാഷനല്‍ ലീഗ് ഫോര്‍ ഡെമോക്രസിക്കാണ് ഭൂരിപക്ഷമെങ്കിലും 2008ലെ ഭരണഘടനാ അനുച്ഛേദപ്രകാരം 25 ശതമാനം സീറ്റുകള്‍ സൈനികര്‍ക്കുവേണ്ടി നീക്കുവെക്കുകയും വീറ്റോ അധികാരം നല്‍കുകയും ചെയ്തിട്ടുണ്ട്. ആഭ്യന്തര മന്ത്രാലയം ഉള്‍പ്പെടെ മൂന്ന് വകുപ്പുകളും സൈന്യമാണ് കൈകാര്യം ചെയ്യുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.