വിവാദങ്ങളിൽ മുങ്ങിക്കുളിച്ച പ്രചാരണം

ന്യൂയോർക്ക്​: ​വിവാദങ്ങൾ കൊടുമ്പിരിക്കൊണ്ട പ്രചാരണമാണ്​ ഇത്തവണ യു.എസ്​  പ്രസിഡൻറ്​ തെരഞ്ഞെടുപ്പിനെ വ്യത്യസ്​തമാക്കുന്നത്​.  രാജ്യത്തെ ബാധിക്കുന്ന രാഷ്​ട്രീയ, സാമ്പത്തിക പ്രശ്​നങ്ങൾക്കു പകരം സ്​ഥാനാർത്ഥികളുടെ സ്വകാര്യജീവിതമാണ്​ പൊതുവേദികളിൽ ചർച്ചയായത്​​.  ലാറ്റിനമേരിക്കൻ കുടിയേറ്റക്കാരേയും മുസ്​ലിംകളേയും അധിക്ഷേപിച്ച്​ ​​ ട്രംപാണ്​ വിവാദത്തി​​​െൻറ ആദ്യ വെടിപൊട്ടിച്ചത്​. തുടർന്നങ്ങോട്ട്​  ട്രംപിനെതിരായ ലൈംഗികാരോപണങ്ങളും, ഹിലരിക്കെതിരായ ഇമെയിൽ വിവാദവും പ്രചാരണ വേദികളിൽ അരങ്ങുതകർത്തു. ​പ്രചാരണ കോലാഹലങ്ങളിലെ ആരോപണ പ്രത്യാരോപണങ്ങൾ രസം ചോരാതെ ലോക മാധ്യമങ്ങൾ കൊണ്ടാടി എന്നതാണ്​ യു.എസ്​  പ്രസിഡൻറ്​ തെരഞ്ഞെടുപ്പിനെ വേറിട്ടുനിർത്തുന്നത്​.

വിവാദ  പ്രസ്​താവനകൾ ​ വിനോദമാക്കി മാറ്റുകയായിരുന്നു ട്രംപ്​. ന്യൂയോർക്കിലെ ഫിഫ്​ത്​ അവന്യുവിൽ എന്നിക്കൊരാളെ കൊല്ലാനുണ്ടെന്നു വരെ അ​ദേഹം പറഞ്ഞ​ു.  ​ട്രംപ്​ സ്വഭാവ സ്​ഥിരതയില്ലാത്ത വികാരജീവിയാണെന്നാണ്​ പ്രസിഡണ്ട്​ ഒബാമ വിശേഷിപ്പിച്ചത്​. പ്രചാരണം വിവാദങ്ങളിൽ ചുിറ്റിത്തിരിഞ്ഞപ്പോൾ ഒബാമ ഭരണത്തിനു കീഴിൽ അമേരിക്ക കൈവരിച്ച പുരോഗതിയോ  ഭാവിയിൽ നേരിടുന്ന വെല്ലുവിളികളോ ഡെമോക്രാറ്റുകളും ചർച്ച ചെയ്യാതെപോയി. ട്രംപിനെ വിമർശിക്കുക എന്ന ഒരൊറ്റ അജണ്ടയിലേക്ക്​ അവരുടെ പ്രചാരണം ചുരുങ്ങി.

ഡോണാൾഡ്​ ട്രംപ്​ റിപ്​ബളിക്കൻ സ്​ഥാനാർഥിയായപ്പോൾ തന്നെ രാഷ്​ട്രീയ നിരീക്ഷകരിൽ അത്​ കൗതുകം സൃഷ്​ടിച്ചിരുന്നു. അമേരിക്കൻ രാഷ്​ട്രീയവുമായി കാര്യമായി ബന്ധമൊന്നുമില്ലാതിരുന്ന ബഹുരാഷ്​ട്ര വ്യവവസായി ആയിരുന്നു ട്രംപ്​. അദ്ദേഹത്തിന്​ അമേരിക്കയിലുടനീളം ടെലിവിഷൻ, റിയൽ എസ്​റ്റേറ്റ്​   മേഖലകളിൽ വ്യവസായ സംഭരങ്ങളുണ്ടായിരുന്നു. രാഷ്​ട്രീയമായി ബന്ധമില്ലാത്തെ ട്രംപ്​ എങ്ങനെ അമേരിക്കയെ നയിക്കുമെന്നാണ്​ പ്രധാനമായും ഡെമോക്രാറ്റുകൾ ഉയർത്തിയ ചോദ്യം. ഹിലരിയാക​​െട്ട രാഷ്​ട്രീയത്തിൽ പയറ്റിതെളിഞ്ഞ സ്​ഥാനാർത്ഥി. 2008ലെ പ്രസിഡൻറ്​ തെരഞ്ഞെടുപ്പിൽ സ്​ഥാനാർത്ഥിത്വത്തിനായി ഒബാമക്കെതിരെ മൽസരിച്ചത്​ ഹിലരിയായിരുന്നു. അമേരിക്കയുടെ വിദേശകാര്യ സെക്രട്ടറിയായി നാല്​ വർഷത്തോളം പ്രവർത്തിച്ച പാരമ്പര്യവും അവർക്കുണ്ടായിരുന്നു.

പ്രചാരണത്തി​​െൻറ അവസാന ഘട്ടത്തിലാണ്​ ട്രംപിനെതിരായ ലൈംഗികാരോപണങ്ങൾ പുറത്തു വരുന്നത്​. അമേരിക്കയിലെ ഏതാനും മോഡലുകൾ ട്രംപ്​ ലൈംഗികമായി ചൂഷണം ചെയ്​തതായി ആരോപിച്ച്​ രംഗതെത്തി. പോൺ താരങ്ങളും ​ഇക്കുട്ടത്തിലുണ്ടായിരുന്നു .  ഇതുംകൂടിയായതോടെ ​ട്രംപിനെതിരെ അതി ശക്​തമായി ഡെമോക്രാറ്റുകൾ രംഗതെത്തി. ഇതോടെ അഭിപ്രായ സർവേകൾ ഹിലരി ക്​ളിൻറ​​െൻറ മുന്നേറ്റം പ്രവചിച്ചു.