ഇസ്രായേൽ ഇതിനോടകം തകർത്തു, ഗസ്സയിലെ 60 ശതമാനം പാർപ്പിടങ്ങളും...

ഗസ്സ സിറ്റി: തുടരുന്ന ഇസ്രായേൽ ആക്രമണത്തിൽ ഗസ്സ മുനമ്പിൽ മുമ്പൊരിക്കലും കണ്ടിട്ടില്ലാത്ത തോതിൽ നാശനഷ്ടങ്ങളാണ് പാർപ്പിടങ്ങൾക്ക് സംഭവിച്ചതെന്ന് റിപ്പോർട്ട്. ഗസ്സയിലെ 60 ശതമാനം പാർപ്പിടങ്ങളും ഇസ്രായേൽ ആക്രമണത്തിനിരയായെന്ന് റിപ്പോർട്ട് പറയുന്നു. ഇവയിൽ പലതും പൂർണമായും നശിപ്പിക്കപ്പെട്ടവയാണ്. ബാക്കിയുള്ള പാർപ്പിടങ്ങൾ ഭാഗികമായും തകർന്നു.

ലക്ഷക്കണക്കിനു പേർ തിങ്ങിപ്പാർക്കുന്ന ഗസ്സയിൽ ഇസ്രായേൽ ബോംബിങ്ങിന്‍റെ ആഘാതം അനുഭവിക്കാത്ത പാർപ്പിടങ്ങൾ കുറവാണെന്ന് മാധ്യമങ്ങൾ റിപ്പോർട്ട് ചെയ്യുന്നു. 2,22,000-ലധികം വീടുകൾക്ക് കേടുപാടുകൾ സംഭവിച്ചതായി ചെയ്തതായി ഫലസ്തീൻ പൊതുമരാമത്ത്, ഭവന വകുപ്പിൽ നിന്നുള്ള വിവരങ്ങൾ ക്രോഡീകരിച്ച് ഐക്യരാഷ്ട്രസഭയുടെ ഓഫീസ് ഫോർ ദി കോർഡിനേഷൻ ഓഫ് ഹ്യൂമാനിറ്റേറിയൻ അഫയേഴ്സ് (ഒ.സി.എച്ച്.എ) പറയുന്നത്. ഗസ്സയിലെ 51 ശതമാനത്തിലധികം വിദ്യാഭ്യാസ സ്ഥാപനങ്ങളും തകർക്കപ്പെട്ടു. ഇതോടെ 6,25,000 വിദ്യാർഥികളുടെ പഠനമാണ് ചോദ്യചിഹ്നമാകുന്നത്.

വാസയോഗ്യമായ ഒരു കെട്ടിടം മാത്രമേ അവിടെ കണ്ടുള്ളൂ എന്നാണ് ഗസ്സയിലെ ബൈത്ത് ഹനൂൻ നഗരത്തിലേക്ക് ഇസ്രായേൽ സൈന്യത്തിനൊപ്പം പോയ ഒരു ഇസ്രായേലി റിപ്പോർട്ടർ നവംബർ 12-ന് വെളിപ്പെടുത്തിയത്. ഇസ്രായേൽ ആക്രമണത്തിന് മുമ്പ് 52,000-ത്തിലധികം ആളുകൾ താമസിച്ചിരുന്ന നഗരത്തിന്‍റെ അവസ്ഥയാണിത്.

47 നാ​ൾ നീ​ണ്ട ആ​ക്ര​മ​ണ​ത്തി​ൽ 5,600 കു​ട്ടി​ക​ളും 3,550 സ്ത്രീ​ക​ളു​മ​ട​ക്കം 13,000ല​ധി​കം പേ​രാ​ണ് കൊ​ല്ല​പ്പെ​ട്ട​ത്. 31,000 പേ​ർ​ക്ക് പ​രി​ക്കേ​റ്റു.

വെടിനിർത്തൽ കരാർ

ഇസ്രയേലും ഹമാസും അംഗീകരിച്ച വെടിനിർത്തലിനും ബന്ദികളെ കൈമാറുന്നതിനുമുള്ള കരാർ 24 മണിക്കൂറിനകം പ്രഖ്യാപിക്കും. വെ​ടി​നി​ർ​ത്ത​ൽ പ്രാ​ദേ​ശി​ക സ​മ​യം വ്യാ​ഴാ​ഴ്ച രാ​വി​ലെ 10ന് ​പ്രാ​ബ​ല്യ​ത്തി​ൽ വ​രു​മെ​ന്ന് ഹ​മാ​സ് രാ​ഷ്ട്രീ​യ​കാ​ര്യ സ​മി​തി അം​ഗം മൗ​സ അ​ബൂ മ​ർ​സൂ​ക് അ​റി​യി​ച്ചു. ഇ​സ്രാ​യേ​ലി വ​ക്താ​വും ഇ​ക്കാ​ര്യം സ്ഥി​രീ​ക​രി​ച്ചു. ല​ബ​നാ​നി​ലെ ഹി​സ്ബു​ല്ല​യും വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​ട്ടു​ണ്ട്. ഇ​രു​കൂ​ട്ട​രും ത​മ്മി​ലു​ള്ള ധാ​ര​ണ​പ്ര​കാ​രം 50 ബ​ന്ദി​ക​ളെ ഹ​മാ​സ് മോ​ചി​പ്പി​ക്കും. പ​ക​രം 150 ഫ​ല​സ്തീ​നി ത​ട​വു​കാ​രെ ഇ​സ്രാ​യേ​ൽ വി​ട്ട​യ​ക്കും. അ​ധി​ക​മാ​യി മോ​ചി​പ്പി​ക്കു​ന്ന 10 ബ​ന്ദി​ക​ൾ​ക്ക് പ​ക​ര​മാ​യി വെ​ടി​നി​ർ​ത്ത​ൽ ഓ​രോ ദി​വ​സ​ത്തേ​ക്കു​കൂ​ടി ദീ​ർ​ഘി​പ്പി​ക്കു​മെ​ന്നും ക​രാ​റി​ൽ പ​റ​യു​ന്നു. ഗ​സ്സ​യി​ലേ​ക്ക് ഇ​ന്ധ​ന​മ​ട​ക്കം അ​ടി​യ​ന്ത​ര സ​ഹാ​യ​മെ​ത്തി​ക്കാ​ൻ അ​നു​വ​ദി​ക്കും.

ആക്രമണം പൂ​ർ​ണ​മാ​യി അ​വ​സാ​നി​പ്പി​ക്കി​ല്ലെ​ന്ന് നെതന്യാഹു

യു​ദ്ധ മ​​​​ന്ത്രി​സ​ഭ​യു​​ടെ​യും സു​ര​ക്ഷ മ​​​ന്ത്രി​സ​ഭ​യു​ടെ​യും അം​ഗീ​കാ​ര​ത്തെ തു​ട​ർ​ന്ന് ആ​റു മ​ണി​ക്കൂ​ർ നീ​ണ്ട മാ​ര​ത്ത​ൺ ച​ർ​ച്ച​ക​ൾ​ക്കു​ശേ​ഷ​മാ​ണ് വെടിനിർത്തൽ ക​രാ​റി​ന് ഇ​സ്രാ​യേ​ൽ മ​ന്ത്രി​സ​ഭ അം​ഗീ​കാ​രം ന​ൽ​കി​യ​ത്. 35 പേ​ർ ക​രാ​റി​നെ അ​നു​കൂ​ലി​ച്ച​പ്പോ​ൾ തീ​വ്ര​വ​ല​തു​പ​ക്ഷ​ക്കാ​രാ​യ മൂ​ന്നു​പേ​ർ എ​തി​ർ​ത്തു. മോ​ച​ന​ത്തി​ന് അ​ർ​ഹ​രാ​യ 300 ഫ​ല​സ്തീ​നി​ക​ളു​ടെ പ​ട്ടി​ക ഇ​സ്രാ​യേ​ൽ വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ചി​ട്ടു​ണ്ട്. ഇ​തി​ൽ 150 പേ​രെ​യാ​കും ആ​ദ്യ​ഘ​ട്ട​ത്തി​ൽ വി​ട്ട​യ​ക്കു​ക. ഹ​മാ​സി​നെ ഇ​ല്ലാ​താ​ക്കി എ​ല്ലാ ബ​ന്ദി​ക​ളെ​യും മോ​ചി​പ്പി​ക്കു​ക​യെ​ന്ന ല​ക്ഷ്യം കൈ​വ​രി​ക്കും​വ​രെ ആക്രമണം പൂ​ർ​ണ​മാ​യി അ​വ​സാ​നി​പ്പി​ക്കി​ല്ലെ​ന്ന് ഇ​​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പ്ര​ഖ്യാ​പി​ച്ചു. 

ഇത് തീവ്രവാദം -മാർപാപ്പ

ഇസ്രായേൽ-ഹമാസ് സംഘർഷം യുദ്ധത്തിനും അപ്പുറത്തേക്ക് പോയെന്ന് ​ഫ്രാൻസിസ് മാർപാപ്പ. ഇതൊരു തീവ്രവാദപ്രവർത്തനമായി മാറിയെന്നും അദ്ദേഹം പറഞ്ഞു. ഹമാസ് ബന്ദികളാക്കിയ ഇസ്രായേൽ പൗരൻമാരുടെ ബന്ധുക്കളുമായും ഇസ്രായേൽ ജയിലുകളിൽ കഴിയുന്ന ഫലസ്തീനികളുടെ ബന്ധുക്കളുമായും വെവ്വേറെ നടത്തിയ കൂടിക്കാഴ്ചക്കൊടുവിലാണ് മാർപാപ്പയുടെ പ്രതികരണം.