ചിലപ്പോൾ,
ചില സന്ദർഭങ്ങൾക്ക്,
പുതിയ വാക്കുകൾതന്നെ വേണം.
ഒരു സ്കൂളിലും
കയറിയിറങ്ങാത്തവ,
വളരെ വേഗത്തിൽ,
ഉള്ള് കാട്ടുന്നത്.
ആഴത്തിന്റെ ഭയാനകതയോ,
ദുരൂഹതയുടെ നിശ്ശബ്ദതയോ,
വേണമെന്നേയില്ല,
നന്നുനന്നെന്ന പുകഴ്ത്തലുകളും വേണ്ട...
പഴയപടി പറയാനാകാത്ത,
ചില മാത്രകളെ,
പരിചയപ്പെടുത്തണമെന്നു മാത്രം.
നിലനിൽപിനെക്കുറിച്ച്,
യാതൊരുൽക്കണ്ഠയുമില്ല.
ഒരു കുത്തൊഴുക്കിൽ,
അപ്രത്യക്ഷമായാലെന്ത്...
ചിലതാവിഷ്കരിക്കപ്പെടുമല്ലോ.
ചില പൊറുതിമുട്ടലുകളിൽ,
ഇങ്ങനെതന്നെ,
തോന്നേണം കാലേ... കാലേ..!
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.