മ​രി​ച്ച​വന്‍റെ ചെ​രി​പ്പ്

അ​പ​ക​ട​ത്തി​ൽ മ​രി​ച്ച​വ​ന്റെ

ഒ​രു ജോ​ടി ചെ​രി​പ്പ്

പൊ​ന്ത​ക്കാ​ട്ടി​ൽ

ആ​കാ​ശം നോ​ക്കി കി​ട​ന്നു.

ക​റു​ത്ത കു​പ്പാ​യ​മി​ട്ട്

മേ​ഘ​ക്കൂ​ട്ട​ങ്ങ​ൾ

ആ​കാ​ശ​ത്ത് തി​ടു​ക്ക​പ്പെ​ട്ട് പാ​യു​ന്ന​ത്

മ​രി​ച്ച വീ​ട്ടി​ലേ​ക്കാ​വു​മോ?

ഓ​രോ യാ​ത്ര ക​ഴി​ഞ്ഞും

വീ​ട്ടി​ൽ തി​രി​ച്ചെ​ത്തു​മ്പോ​ൾ

മു​റ്റ​ത്ത് ഊ​രി​യി​ടു​ന്ന​തു പോ​ലെ​യാ​വും

ഈ ​കി​ട​പ്പെ​ന്ന്

ചെ​രി​പ്പ് വി​ചാ​രി​ച്ചു.

മു​ഖ​ത്ത് തെ​റി​ച്ച ചു​ടു​ചോ​ര

വേ​ന​ലി​ലെ മ​ഴ​യാ​ണെ​ന്നും...

ഒ​രു രാ​ത്രി​യും

ഒ​രു പ​ക​ലും

അ​തേ കി​ട​പ്പ് കി​ട​ന്നു.

അ​തി​നി​ട​യി​ൽ,

റോ​ഡി​ലെ ചോ​ര ക​ഴു​കിക്കള​ഞ്ഞ​തും

ആ​ളു​ക​ൾ ഒ​ച്ച​യി​ട്ട് പി​രി​ഞ്ഞുപോ​യ​തും

അ​തേ കി​ട​പ്പി​ൽ ചെ​രി​പ്പ് ക​ണ്ടു.

ആ ​കൂ​ട്ട​ത്തി​ലൊ​ന്നും

അ​വ​നി​ല്ല​ല്ലോ​യെ​ന്ന് ഖേ​ദി​ച്ചു.

അ​ത്ര പെ​​െട്ട​ന്നൊ​ന്നും

ത​ന്നെ മ​റ​ക്കാ​ൻ ക​ഴി​യി​ല്ലെ​ന്നും

എ​ന്നെ​ങ്കി​ലു​മൊ​രി​ക്ക​ൽ

അ​വ​ൻ വ​രു​മെ​ന്നും

ചെ​രി​പ്പ് ക​രു​തി​യി​രി​ക്ക​ണം.

ന​ട​ന്ന വ​ഴി​ക​ളു​ടെ ക​നം

ചെ​രി​പ്പി​ൽ തി​ടംവെ​ച്ചു.

വൈ​കു​ന്നേ​ര​ത്തെ ഒ​രു മു​ങ്ങി​ക്കു​ളി

അ​ത് സ്വ​പ്നംക​ണ്ടു.

സോ​പ്പി​ൻപ​ത​യു​ടെ വെ​ളു​ത്ത ചി​രി​യി​ൽ

ക​ണ്ണ് നീ​റു​ന്ന​ത​റി​ഞ്ഞു.

നി​ലാ​വി​ല്ലാ​ത്ത ഒ​രു രാ​ത്രി

വി​ശ​ന്നു​വ​ല​ഞ്ഞ ഒ​രു നാ​യ

അ​തി​നെ കീ​റി​മു​റി​ക്കു​ന്ന​തു​വ​രെ

ആ ​ചെ​രി​പ്പ്

അ​വ​ൻ തി​രി​ച്ചുവ​രു​മെ​ന്ന് ത​ന്നെ

വി​ചാ​രി​ച്ചുകൊ​ണ്ടി​രു​ന്നു.