രണ്ട് കാലങ്ങൾക്കിടയിൽ അപരിചിതമായി ഒഴുകുന്ന നദിയാണ് പ്രായം ഒരു വശത്ത് മാത്രം എക്കൽ ബാക്കിയാക്കി മറുവശം കുത്തൊഴുക്കിൽ അപഹരിച്ച് പാഞ്ഞ നദിയാണ് പ്രായം മെലിയുമ്പോൾ ഹൃദയം തുറന്നും നിറയുമ്പോൾ ചുഴിയും മലരും ഉള്ളിലൊളിപ്പിച്ചും അപരിചിത നാഗരികതകളിലൂടെയെല്ലാം പരന്നൊഴുകിയ നദിയാണ് പ്രായം ചിലപ്പോഴെല്ലാം ഒരു നിമിഷം തടഞ്ഞ് നിൽക്കാതെ ഓരോ ജലകണത്തിലും പുതുമ നിറച്ച് കുതറി പാഞ്ഞിരുന്ന നദിയാണ് പ്രായം പലപ്പോഴും കണക്കില്ലാതെ കെട്ടിക്കിടന്ന് പുറമെ ശാന്തമെന്ന് ഭാവിച്ച് ഉള്ളിലെ കള്ളച്ചുഴികൾ പ്രതിഫലിപ്പിക്കാതെ നില തെറ്റിച്ച നദിയാണ് പ്രായം തടകെട്ടി...
രണ്ട് കാലങ്ങൾക്കിടയിൽ
അപരിചിതമായി ഒഴുകുന്ന
നദിയാണ് പ്രായം
ഒരു വശത്ത് മാത്രം
എക്കൽ ബാക്കിയാക്കി
മറുവശം കുത്തൊഴുക്കിൽ
അപഹരിച്ച് പാഞ്ഞ
നദിയാണ് പ്രായം
മെലിയുമ്പോൾ
ഹൃദയം തുറന്നും
നിറയുമ്പോൾ
ചുഴിയും മലരും ഉള്ളിലൊളിപ്പിച്ചും
അപരിചിത നാഗരികതകളിലൂടെയെല്ലാം
പരന്നൊഴുകിയ നദിയാണ് പ്രായം
ചിലപ്പോഴെല്ലാം
ഒരു നിമിഷം തടഞ്ഞ് നിൽക്കാതെ
ഓരോ ജലകണത്തിലും പുതുമ നിറച്ച്
കുതറി പാഞ്ഞിരുന്ന
നദിയാണ് പ്രായം
പലപ്പോഴും
കണക്കില്ലാതെ കെട്ടിക്കിടന്ന്
പുറമെ ശാന്തമെന്ന് ഭാവിച്ച്
ഉള്ളിലെ കള്ളച്ചുഴികൾ പ്രതിഫലിപ്പിക്കാതെ
നില തെറ്റിച്ച
നദിയാണ് പ്രായം
തടകെട്ടി നിർത്തിയിട്ടും
ഉള്ളൊഴുക്കിന്റെ തള്ളലിൽ
ഗതിവീണ്ടെടുത്ത
നദിയാണ് പ്രായം
ഇരുകരയിലും
ഓരോ ഗതിവേഗങ്ങളിൽ
താളവും രൗദ്രതയും തീർത്ത
നദിയാണ് പ്രായം
ഇനി കടലിലേയ്ക്കാണ്
ഒഴുകിയെത്തുന്നത്
ഒഴുക്കിന്റെ അടയാളങ്ങളെല്ലാം
പിന്നിലുപേക്ഷിച്ച്
ആ നിമിഷം പ്രായം
നദിയല്ലാതായി മാറുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.