കനത്ത മഴ; ചെമ്പ്ര പീക്കിലേക്ക്​ സന്ദർശകരെ അനുവദിക്കില്ല

കൽപ്പറ്റ: കനത്ത മഴയെ തുടർന്ന് ചെമ്പ്ര പീക്ക് വിനോദ സഞ്ചാര കേന്ദ്രത്തിൽ സെപ്​റ്റംബർ 15 വരെ സന്ദർശകരെ അനുവദിക്കില്ലെന്ന് സൗത്ത് വയനാട് ഡി.എഫ്​.ഒ അറിയിച്ചു. അടുത്തദിവസങ്ങളിൽ വയനാട്ടിൽ യെല്ലോ അലർട്ട്​ പ്രഖ്യാപിച്ചിട്ടുണ്ട്​. ഇതിന്‍റെ പശ്ചാത്തലത്തിലാണ്​ ​പ്രവേശനം വിലക്കിയത്​.

ഇക്കഴിഞ്ഞ ആഗസ്റ്റ്​ 16നാണ്​ ചെ​മ്പ്ര പീക്ക്​ വീണ്ടും തുറന്നത്​. സു​പ്രീം​കോ​ട​തി​ ഉ​ത്ത​ര​വി​നെ തു​ട​ർ​ന്ന് മൂന്ന്​ വർഷത്തോളം ഇത്​ അടച്ചിട്ടിരിക്കുകയായിരുന്നു.

കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ച്ച്, നി​യ​ന്ത്ര​ണ​ങ്ങ​ൾ​ക്ക് വി​ധേ​യ​മാ​യി​ട്ടാണ്​ പ്രവേശനം പുനരാരംഭിച്ചിരുന്നത്​. ട്രെക്കി​ങ്ങി​െൻറ സ​മ​യം രാ​വി​ലെ ഏ​ഴു മു​ത​ൽ ഉ​ച്ച​ക്ക് 12 വ​രെ​യും സ​ന്ദ​ർ​ശ​ന സ​മ​യം രാ​വി​ലെ ഏ​ഴു മു​ത​ൽ വൈ​കീ​ട്ട്​ മൂ​ന്നു​വ​രെ​യു​മാണ്​. 200 പേർക്കാണ്​ ഒരു ദിവസം പ്രവേശനമുള്ളത്​.