ചെ​ല​വ്​ കു​റ​ഞ്ഞ വെ​ന്‍റി​ലേ​റ്റ​റു​മാ​യി പോ​ളി വിദ്യാർഥിക​ൾ

ഇ​ടു​ക്കി: ചെ​ല​വ്​ കു​റ​ഞ്ഞ വെ​ന്‍റി​ലേ​റ്റ​ർ സം​വി​ധാ​ന​വു​മാ​യി പൈ​നാ​വ്​ മോ​ഡ​ൽ പോ​ളി​ടെ​ക്‌​നി​ക് കോ​ള​ജ് വി​ദ്യാ​ർ​ഥി​ക​ൾ. ഇ​വ​ർ വി​ക​സി​പ്പി​ച്ച ‘എ​ക്ക​ണോ​മി​ക് വെ​ന്റി​ലേ​റ്റ​ർ വി​ത്ത് വൈ​റ്റ​ൽ മോ​ണി​റ്റ​റി​ങ് പ്രോ​ജ​ക്ട്’ ദേ​ശീ​യ ശാ​സ്ത്ര സാ​ങ്കേ​തി​ക ക​ലാ​മേ​ള​യാ​യ ‘ത​രം​ഗി’​ൽ പ്ര​ത്യേ​ക ജൂ​റി പ​രാ​മ​ർ​ശം നേ​ടി. അ​വ​സാ​ന വ​ർ​ഷ ബ​യോ​മെ​ഡി​ക്ക​ൽ വി​ദ്യാ​ർ​ഥി​ക​ളാ​യ കെ.​യു. നി​തി​ൻ, ഭ​ര​ത് അ​നി​ൽ, സി.​പി. പ്ര​വീ​ൺ, ഹെ​ല​ൻ ഡെ​ന്നി എ​ന്നി​വ​രാ​ണ് ഈ ​വെ​ന്റി​ലേ​റ്റ​ർ നി​ർ​മി​ച്ച​ത്.

കോ​വി​ഡ് കാ​ല​ത്ത് വെ​ന്റി​ലേ​റ്റ​ർ അ​പ​ര്യാ​പ്ത​ത മൂ​ലം നി​ര​വ​ധി പേ​രാ​ണ്​ മ​രി​ച്ച​ത്. ഐ.​സി.​യു ഇ​ല്ലാ​ത്ത ആം​ബു​ല​ൻ​സു​ക​ൾ, പൊ​തു​ജ​നാ​രോ​ഗ്യ​ കേ​ന്ദ്ര​ങ്ങ​ൾ, അ​ഗ്​​നി​ര​ക്ഷാ​സേ​ന എ​ന്നി​വി​ട​ങ്ങ​ളി​ൽ അ​ടി​യ​ന്ത​ര ഘ​ട്ട​ങ്ങ​ളി​ൽ രോ​ഗി​യെ കൃ​ത്രി​മ​ശ്വാ​സം ന​ൽ​കി ആ​ധു​നി​ക സൗ​ക​ര്യ​മു​ള്ള ആ​ശു​പ​ത്രി​യി​ൽ എ​ത്തി​ക്കു​ന്ന​തു​വ​രെ ജീ​വ​ൻ നി​ല​നി​ർ​ത്താ​ൻ ഈ ​ഉ​പ​ക​ര​ണം സ​ഹാ​യി​ക്കു​ന്നു. മ​ല​ക​ളും പു​ഴ​ക​ളും മ​ര​ങ്ങ​ളും നി​റ​ഞ്ഞ ഇ​ടു​ക്കി​യു​ടെ ഉ​ൾ​പ്ര​ദേ​ശ​ങ്ങ​ളി​ൽ വെ​ള്ള​ത്തി​ൽ വീ​ണും മ​ര​ത്തി​ൽ​നി​ന്ന്​ വീ​ണും മ​റ്റും ചി​കി​ത്സ കി​ട്ടാ​തെ മ​രി​ക്കു​ന്ന​വ​ർ ഏ​റെ​യാ​ണ്. ആ​ദി​വാ​സി മേ​ഖ​ല​ക​ളി​ൽ ചി​കി​ത്സ ല​ഭി​ക്കാ​തെ മ​ര​ണ​പ്പെ​ടു​ന്ന ന​വ​ജാ​ത​ശി​ശു​ക്ക​ളും കു​റ​വ​ല്ല. ഇ​തി​നൊ​രു പ​രി​ധി​വ​രെ പ​രി​ഹാ​ര​മാ​ണ് പു​തി​യ ഉ​പ​ക​ര​ണം.

കോ​ള​ജി​ലെ ബ​യോ​മെ​ഡി​ക്ക​ൽ വ​കു​പ്പ്​ അ​ധ്യാ​പ​ക​രാ​യ കെ. ​അ​മൃ​ത, സ​നീ​ർ സ​ലിം, എ​ലി​സ​ബ​ത്ത് ആ​നി ജേ​ക്ക​ബ് എ​ന്നി​വ​രു​ടെ നേ​തൃ​ത്വ​ത്തി​ൽ നി​ർ​മി​ച്ച വെ​ന്‍റി​ലേ​റ്റ​ർ കൂ​ടു​ത​ൽ നീ​വ​ക​രി​ക്കാ​നു​ള്ള ശ്ര​മ​ത്തി​ലാ​ണ് വി​ദ്യാ​ർ​ഥി​ക​ൾ