ന്യൂഡൽഹി: തുടരെ തുടരെ മാറ്റങ്ങൾക്ക് വിധേയമായിക്കൊണ്ടിരിക്കുകയാണ് വാട്സാപ്പ്. ഇനി വാട്സാപ്പ് പ്ലസ് എന്ന പേരിൽ പെയ്ഡ് സബ്സ്ക്രിപ്ഷ്ന് പ്ലാൻ കൂടി കൊണ്ടു വരാനുള്ള തയാറെടുപ്പിലാണ് കമ്പനി. പുതിയ പ്ലാൻ ഐ.ഒ.എസിലും ആൻഡ്രോയ്ഡിലും ലഭ്യമാകും. മെസേജിങ് സൗകര്യങ്ങൾക്ക് പണം നൽകേണ്ടതില്ല. മികച്ച ഉപഭോക്തൃ അനുഭവം ലഭ്യമാക്കുക, ചാറ്റ് മാനേജ്മെന്റ് ഫീച്ചറുകൾ മെച്ചപ്പെടുത്തുക എന്നീ ലക്ഷ്യങ്ങൾ മുന്നിൽ കണ്ടാണ് പെയ്ഡ് സബ്സ്ക്രിപ്ഷൻ നിലവിൽ വരുന്നത്.
വാട്സാപ്പ് പ്ലസ് പ്ലാനിന്റെ സവിശേഷതകൾ
നിലവിൽ മൂന്ന് ചാറ്റുകൾ വരെ ഉപയോക്താവിന് പിൻ ചെയ്യാം. എന്നാൽ വാട്സാപ്പ് പ്ലസിൽ 20 ചാറ്റുകൾ വരെ പിൻ ചെയ്യാൻ കഴിയും.
സബ്സ്ക്രിപ്ഷൻ പ്ലാൻ നിലവിൽ വന്നാലും മെസേജിങ് റിസീവിങ്, സെന്റിങ്, വോയ്സ് ആന്റ് വിഡിയോ കോൾ, മീഡിയ ഷെയറിങ്, ഗ്രൂപ്പ് ചാറ്റ്, പ്രൈവസി- സെക്യൂരിറ്റി ഫീച്ചറുകൾ തുടങ്ങിയ പ്രധാനപ്പെട്ട വാട്സാപ്പ് ഫീച്ചറുകൾ സൗജന്യമായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.