എ​സ്. സു​ജി​ത്ത്

ദേ​ശീ​യ ഹാ​ൻ​ഡ്​​​ബാ​ൾ ടീ​മി​ൽ ബെ​ർ​ത്തു​റ​പ്പി​ച്ച്​ സു​ജി​ത്ത്

പാ​ല​ക്കാ​ട്: കേ​ര​ള പൊ​ലീ​സ് ടീം ​അം​ഗം എ​സ്. സു​ജി​ത്ത് ഇ​ന്ത്യ​ൻ ഹാ​ൻ​ഡ്​​​ബാ​ൾ ടീ​മി​ൽ. നേ​പ്പാ​ളി​ലെ പൊ​ക്ക​റ​യി​ൽ ഏ​പ്രി​ൽ 27 മു​ത​ൽ 30 വ​രെ ന​ട​ക്കു​ന്ന ഇ​ന്‍റോ-​നേ​പ്പാ​ൾ ഇ​ന്‍റ​ർ​നാ​ഷ​ന​ൽ ഗെ​യിം​സി​ൽ പ​ങ്കെ​ടു​ക്കു​ന്ന ടീ​മി​ലേ​ക്കാ​ണ്​ സെ​ല​ക്ഷ​ൻ ല​ഭി​ച്ച​ത്. കൊ​ടു​വാ​യൂ​ർ ഗ​വ. സ്കൂ​ളി​ൽ​നി​ന്നാ​ണ് ഹാ​ൻ​ഡ്​​ബാ​ൾ ബാ​ല​പാ​ഠം പ​ഠി​ക്കു​ന്ന​ത്. അ​ണ്ട​ർ 17 അ​ണ്ട​ർ 19 കേ​ര​ള സ്കൂ​ൾ ടീ​മി​ലും കേ​ര​ള സ​ബ് ജൂ​നി​യ​ർ, ജൂ​നി​യ​ർ ടീ​മി​ലും നി​ര​വ​ധി ത​വ​ണ സം​സ്ഥാ​ന​ത്തെ പ്ര​തി​നി​ധീ​ക​രി​ച്ചു. ചി​റ്റൂ​ർ ഗ​വ. കോ​ള​ജി​​നെ പ്ര​തി​നി​ധീ​ക​രി​ച്ച്​ മൂ​ന്നു​വ​ർ​ഷം കാ​ലി​ക്ക​റ്റ് യൂ​നി​വേ​ഴ്സി​റ്റി ടീം ​അം​ഗ​മാ​യി​രു​ന്നു.

2013 മു​ത​ൽ 2017 വ​രെ സി.​ആ​ർ.​പി.​എ​ഫ്​ ടീം ​അം​ഗ​മാ​യി​രു​ന്നു. ഡ​ൽ​ഹി ടീ​മി​നെ പ്ര​തി​നി​ധീ​ക​രി​ച്ച് ദേ​ശീ​യ ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ക്കു​ക​യും മെ​ഡ​ൽ നേ​ടു​ക​യും ചെ​യ്തി​ട്ടു​ണ്ട്. 2015ൽ ​കേ​ര​ള​ത്തി​ൽ ന​ട​ന്ന ദേ​ശീ​യ ഗെ​യിം​സി​ൽ വെ​ള്ളി മെ​ഡ​ൽ നേ​ടി​യ ഡ​ൽ​ഹി ടീം ​അം​ഗ​മാ​യി​രു​ന്നു.

2017ൽ ​പ്ര​ഥ​മ കേ​ര​ള പൊ​ലീ​സ് ഹാ​ൻ​ഡ്​​ബാ​ൾ ടീം ​അം​ഗ​മാ​യി. ഓ​ൾ ഇ​ന്ത്യ പൊ​ലീ​സ് ഗെ​യിം​സി​ൽ സി.​ആ​ർ.​പി.​എ​ഫി​നു​വേ​ണ്ടി മെ​ഡ​ൽ നേ​ടു​ക​യും 2016ലും 2017​ലും മി​ക​ച്ച ക​ളി​ക്കാ​ര​നാ​യി തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തു. 2017 മു​ത​ൽ കേ​ര​ള സീ​നി​യ​ർ ടീം ​അം​ഗ​മാ​യ സു​ജി​ത്ത്, കൊ​ടു​വാ​യൂ​ർ അ​മ്പോ​ട്ട് സു​ന്ദ​ര​ന്‍റെ​യും പു​ഷ്പ​ല​ത​യു​ടെ​യും മ​ക​നാ​ണ്.

Tags:    
News Summary - Sujith on the National Handball Team

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.