ന്യൂഡൽഹി: ഇൗ മാസം 23 മുതൽ നെതർലൻഡ്സിൽ നടക്കുന്ന ചാമ്പ്യൻസ് ട്രോഫി ഹോക്കി ടൂർണമെൻറിനുള്ള 18 അംഗ ഇന്ത്യൻ ടീമിനെ മലയാളി ഗോൾകീപ്പർ പി.ആർ. ശ്രീജേഷ് നയിക്കും.
മുൻ ക്യാപ്റ്റൻ സർദാർ സിങ്, ഫോര്‍വേഡ് രമണ്‍ദീപ് സിങ്, ഡിഫന്‍ഡര്‍ ബിരേന്ദ്ര ലാക്ര എന്നിവര്‍ ടീമിലേക്ക് തിരിച്ചെത്തിയപ്പോള്‍ രുപീന്ദര്‍പാല്‍ സിങ്, കോത്തജീത് സിങ്, ഗുരീന്ദർ സിങ്, ഗുർജന്ത് സിങ്, ലളിത് കുമാർ ഉപാധ്യയ് എന്നിവരെ ഒഴിവാക്കി. ശ്രീജേഷിന് കീഴിലായിരുന്നു 34 വർഷത്തെ ചാമ്പ്യൻസ് ട്രോഫി ചരിത്രത്തിൽ ആദ്യമായി ഇന്ത്യ വെള്ളി സ്വന്തമാക്കിയത്. പാരമ്പര്യ വൈരികളായ പാകിസ്താനെതിരെ ജൂൺ 23നാണ് ഇന്ത്യയുടെ ആദ്യ മത്സരം.
ടീം: ഗോൾകീപ്പർമാർ: പി.ആർ. ശ്രീജേഷ്, കൃഷൻ ബഹാദൂർ പഥക്. ഡിഫൻഡർമാർ: ഹർമൻപ്രീത് സിങ്, വരുൺ കുമാർ, സുരേന്ദർ കുമാർ, ജർമൻപ്രീത് സിങ്, ബീരേന്ദ്ര ലാക്ര, അമിത് രോഹിദാസ്. മിഡ്ഫീൽഡർമാർ: മൻപ്രീത് സിങ്, ചിൻഗ്ലൻസന സിങ്, സർദാർ സിങ്, വിവേക് സാഗർ പ്രസാദ്. ഫോർവേഡുകൾ: സുനിൽ വിറ്റലാചാര്യ, രമൺദീപ് സിങ്, മൻദീപ് സിങ്, സുമിത് കുമാർ, ആകാശ്ദീപ് സിങ്, ദിൽപ്രീത് സിങ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.