സ്​പാനിഷുകാരെ പേടിക്കണം

ക്ലബ്​ ഫുട്​ബാൾ ലോകത്തെ ഗ്ലാമർ ഫുട്​ബാൾ ടീമുകളായ റയൽ മഡ്രിഡും ബാഴ്​സലോണയും പന്തു തട്ടുന്ന സ്​പെയിനിൽ ഫുട്​ബാൾ ഒരു സംസ്​കാരമാണ്​. കാൽപന്തിനെ നെഞ്ചേറ്റിയ ജനതയുടെ പ്രതിനിധികളായി ലോകോത്തര ക്ലബുകളിലെല്ലാം എണ്ണമറ്റ താരങ്ങളുടെ സാന്നിധ്യവു​മുണ്ട്​. ഫിഫയുടെ ലോകമാമാങ്കങ്ങളിലെല്ലാം ​സ്വന്തമായ ​മേൽവിലാസമുള്ള സ്​പെയിനിന്​ പക്ഷേ, കൗമാര ലോകകപ്പ്​ ഇതുവരെ സ്വന്തമാക്കാനായിട്ടില്ല. ആ വിടവ്​ നികത്താൻ ലക്ഷ്യമിട്ടാണ്​ സ്​പാനിഷ്​ വമ്പൻമാർ ഇന്ത്യയിലെത്തുന്നത്​. നാളെയുടെ റയൽ മഡ്രിഡ്​, ബാഴ്​സലോണ താരങ്ങളായി മാറാൻ സാധ്യതയുള്ള ഇൗ കൗമാരപ്പട ​കൊച്ചിയിൽ ഗ്രൂപ് റൗണ്ടിൽ പന്തുതട്ടു​േമ്പാൾ മലയാള നാടിന്​ ഫുട്​ബാൾ വസന്തമാകും. 

മൂന്ന്​ തവണ (1991, 2003, 2007) അണ്ടർ 17 ലോകകപ്പി​​​െൻറ ഫൈനൽ വരെയെത്തിയെങ്കിലും കിരീടം ചൂടാൻ ഭാഗ്യമുണ്ടായിരുന്നില്ല. 1997ലും 2009ലും മൂ​ന്നാം സ്​ഥാനം കൊണ്ടും തൃപ്​തിപ്പെടേണ്ടി വന്നു. 2011, 13,15 വർഷങ്ങളിൽ സ്​പെയിനിന്​ യോഗ്യത നേടാനുമായിട്ടില്ല. നാളുകൾക്ക്​ ശേഷം വീണ്ടും ലോകകപ്പ് മാമാങ്കത്തിന്​ അവസരം ലഭിക്കു​േമ്പാൾ ​െകാച്ചിയിലെ ഗ്രൂപ് പോരാട്ടവും കടന്ന്​ കുതിക്കാനാണ്​​ ഒരുക്കം. 

റോഡ്​ ടു ഇന്ത്യ
യൂറോപ്യൻ അണ്ടർ 17 ചാമ്പ്യൻഷിപ്പിൽ ചാമ്പ്യൻമാരായാണ്​ സ്​പെയി​ൻ ഇന്ത്യയിലേക്ക്​ ടിക്കറ്റുറപ്പിച്ചത്​. ഇംഗ്ലണ്ടിനെ പെനാൽറ്റി ഷൂട്ടൗട്ടിൽ 4-1ന്​ തകർത്തായിരുന്നു സ്​പെയിനി​​​െൻറ കിരീടനേട്ടം. ഇത്​ മൂന്നാം തവണയാണ്​ കൗമാര യൂറോപ്യൻ ചാമ്പ്യൻഷിപ്പിൽ സ്​പെയിൻ ജേതാക്കളാവുന്നത്​. 

കോച്ച്
മുൻ അത്​ലറ്റികോ മഡ്രിഡ്​ താരവും പരിശീലകനുമായിരുന്ന സാൻറിയ​ാഗോ ഡിനിയയാണ്​ കോച്ച്​. 2009 അത്​ലറ്റി​േകാ മഡ്രിഡിനെ പരിശീലിപ്പിച്ച ഡിനിയ 2011ലാണ്​ അണ്ടർ 17 ടീമി​​​െൻറ ചുമതലയേറ്റെടുക്കുന്നത്​. ചുമതലയേറ്റെടുത്ത്​ മൂന്ന്​ തവണ യോഗ്യതപോലും ലഭിക്കാതെ സ്​പെയിൻ മടങ്ങിയെങ്കിലും ഇത്തവണ യൂറോപ്യൻ ചാമ്പ്യൻഷിപ്പും ലോക കിരീടവും ഒരുമിച്ചു നേടുമെന്ന വാശിയിലാണ്​ കോച്ചും താരങ്ങളും.

സ്​റ്റാർ വാച്ച്​ അബൽ റൂയിസ്​
ബാഴ്​സലോണ ‘ബി’ ടീം താരമായ അബൽ റൂയിസ്​ എന്ന 17കാരനാണ്​ സ്​പെയിനി​​​െൻറ പ്രതീക്ഷ. യൂറോപ്യൻ ചാമ്പ്യൻഷിപ്പിൽ നാലുഗോ​േളാടെ സ്​പെയിനി​​​െൻറ മുന്നേറ്റത്തി​ൽ നിറഞ്ഞുനിന്നതും ഇൗ താരം തന്നെ. ഫിനിഷിങ്ങിലെ പാടവം കണ്ട്​ ബോധ്യപ്പെട്ടതോടെ വലൻസിയ അക്കാദമിയിൽ നിന്നാണ്​ അബൽ റൂയിസിനെ ബാഴ്​സലോണ സ്വന്തമാക്കുന്നത്​. അണ്ടർ 17 ടീമിനായി 19 ഗോളുകൾ അടിച്ചു കൂട്ടിയിട്ടുണ്ട്​.