ഗ്ലാസ്ഗോ: കശ്മീർ താഴ്വരയിൽനിന്ന് ഇന്ത്യൻ ഫുട്ബാളിൽ വിസ്മയം തീർത്ത കളിക്ക ൂട്ടമായ റിയൽ കശ്മീർ എഫ്.സിയെക്കുറിച്ച് ബി.ബി.സി തയാറാക്കിയ ഡോക്യുമെൻററിക്ക് ബ്രിട്ടീഷ് അക്കാദമി ഓഫ് ഫിലിം ആൻഡ് ടെലിവിഷൻ അവാർഡ്സ് (ബാഫ്റ്റ) സ്കോട്ലൻഡ് അവാർഡ്. ബി.ബി.സി ഈ വർഷം പ്രക്ഷേപണം ചെയ്ത ഡോക്യുമെൻററിക്ക് ‘സിംഗ്ൾ ഡോക്യുമെൻററി’ വിഭാഗത്തിലാണ് പുരസ്കാരം ലഭിച്ചത്.
മുൻ റേഞ്ചേഴ്സ് കോച്ചായിരുന്ന ഡേവിഡ് റോബേട്ട്സണിെൻറ ശിക്ഷണത്തിൽ ഐ ലീഗിലെ കന്നി സീസണിൽ മൂന്നാം സ്ഥാനക്കാരായി അത്ഭുതപ്പെടുത്തിയ കശ്മീർ ടീമിെൻറ വിസ്മയകരമായ കഥയാണ് ഡോക്യുമെൻററിയിൽ അടയാളപ്പെടുത്തിയിരിക്കുന്നത്.
2017-2018 സീസണിൽ ഐ ലീഗ് രണ്ടാം ഡിവിഷനിൽ ജേതാക്കളായാണ് റിയൽ കശ്മീർ ഐ ലീഗ് യോഗ്യത നേടിയത്. അരങ്ങേറ്റ സീസണിൽ വൻ അട്ടിമറികളോടെ 36 പോയൻറ് നേടി മൂന്നാംസ്ഥാനം സ്വന്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.