കൊച്ചി: അഞ്ചാം സീസണിൽ നിരാശപ്പെടുത്തിയ കേരള ബ്ലാസ്റ്റേഴ്സ് അടുത്ത സീസണിലേക്ക് നേരേത്തതന്നെ ഒരുങ്ങുന്നു. കെ.പി. രാഹുലിനെയും ബിലാൽ ഖാനെയും ടീമിലെത്തിച്ച മാനേജ്മ െൻറ് സ്പാനിഷ് മധ്യനിര താരവുമായി കരാറിൽ ഒപ്പിട്ടതായി സൂചന. കഴിഞ്ഞ സീസണിൽ ജാംഷഡ്പുർ എഫ്.സിയിൽ കളിച്ച മരിയോ ആർക്വസിനെയാണ് സ്വന്തമാക്കുന്നത്.
ഉരുക്കുസംഘത്തിൽ െപ്ലയിങ് ഇലവനിലെ സ്ഥിരസാന്നിധ്യമായിരുന്നു ഇൗ സ്പാനിഷ് താരം. വിയ്യാ റയലിലൂടെ തുടങ്ങി വലൻസിയ ബി ടീമിലും കളിച്ച താരം സ്പെയിനിലെ വിവിധ ക്ലബുകളിലായി മൂന്നാം ഡിവിഷനിൽ കളിച്ചു. പിന്നീടാണ് െഎ.എസ്.എല്ലിലെത്തുന്നത്. മൂന്നു ഗോളും രണ്ട് അസിസ്റ്റുമാണ് സമ്പാദ്യം.
18 മത്സരങ്ങളിലും കളിച്ചെങ്കിലും ഒരു മഞ്ഞക്കാർഡ് പോലുമില്ലാതെയാണ് സീസൺ അവസാനിപ്പിച്ചത്. ആക്രമണം സൃഷ്ടിക്കാനുള്ള മിടുക്കും പാസിലെ കൃത്യതയും അതിവേഗ നീക്കവുമാണ് ആർക്വസിെൻറ മികവ്. പരിചയസമ്പന്നനായ മധ്യനിര താരത്തിെൻറ വരവ് ബ്ലാസ്റ്റേഴ്സിന് ഗുണമാവും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.