ന്യൂഡൽഹി: മൂന്നു വർഷത്തിനിടെ ഇന്ത്യയിലേക്ക് ലോകകപ്പ് ഫുട്ബാൾ രണ്ടാം വട്ടവും വിരുന്നെത്തുന്നു. 2020ലെ അണ്ട ർ 17 പെൺകുട്ടികളുടെ ലോകകപ്പാണ് ഇന്ത്യയിൽ നടക്കുകയെന്ന് ഫിഫ അറിയിച്ചു.
2017ലെ അണ്ടർ 17 ആൺകുട്ടികളുടെ ലോകകപ്പിന് ഇന്ത്യ വിജയകരമായി ആതിഥ്യം വഹിച്ചിരുന്നു. അന്ന് കൊച്ചിയടക്കമുള്ള നഗരങ്ങളിൽ മത്സരങ്ങൾ അരങ്ങേറിയിരുന്നു. 2020ലെ അണ്ടർ 17 പെൺകുട്ടികളുടെ ലോകകപ്പിന് ഇന്ത്യ ആതിഥ്യം വഹിക്കുന്ന കാര്യം സന്തോഷത്തോടെ പ്രഖ്യാപിക്കുന്നതായി അഖിലേന്ത്യ ഫുട്ബാൾ ഫെഡറേഷൻ ട്വീറ്റ് ചെയ്തു.
യു.എസിലെ മിയാമിയിൽ പ്രസിഡൻറ് ജിയോവാനി ഇൻഫൻറീനോയുടെ അധ്യക്ഷതയിൽ ചേർന്ന ഫിഫ കൗൺസിൽ യോഗത്തിലാണ് വേദി ഇന്ത്യക്ക് അനുവദിക്കാൻ തീരുമാനമായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.