കോഴിക്കോട്: വാശിയേറിയ പോരാട്ടത്തില് ഇൻജുറി സമയത്തെ പെനാല്‍റ്റി ഗോള് ഗോകുലത്തിെൻറ വിധിയെഴുതി. ഐ ലീഗില്‍ പോയൻറ് പട്ടികയില്‍ താഴത്തെട്ടിലുള്ളവരുടെ അങ്കത്തില്‍ ചര്‍ച്ചില്‍ ബ്രദേഴ്സ് 3--2നാണ് ഗോകുലം കേരള എഫ്.സിയെ കീഴടക്കിയത്. കാലു ഒഗ്ബയുടെ ഇരട്ട ഗോളും ഇൻജുറി സമയത്ത് കോഫി മെച്ചാകിെൻറ പെനാല്‍റ്റി ഗോളുമാണ് ചര്‍ച്ചിലിന് വിജയമെത്തിച്ചത്. ഒരു ഘട്ടത്തില്‍ 2-1ന് മുന്നിലായിരുന്ന ഗോകുലത്തിനായി ക്യാപ്റ്റന്‍ ഡാനിയല്‍ അഡോയും ഇമ്മാനുവല്‍ ചിഗാസിയുമാണ് സ്കോര് ചെയ്തത്. ഇതോടെ ഒമ്പത് കളികളില്‍ നിന്ന് നാല് പോയൻറുമായി ഗോകുലം ഗോള് ശരാശരിയുടെ ബലത്തില്‍ ഒമ്പതാം സ്ഥാനത്ത് തുടരുകയാണ്. ഏഴ് കളികളില്‍ നിന്ന് നാല് പോയൻറുള്ള ചര്‍ച്ചില്‍ പത്താമതും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.