കൊളംബോ: ശ്രീലങ്കയിൽ നടക്കുന്ന യൂത്ത് ഏകദിന ക്രിക്കറ്റ് പരമ്പരയിലെ നിർണായക മത്സരത്തിൽ അങ്കം ജയിച്ച് ഇന്ത്യ അണ്ടർ 19 ടീം. നാലാം മത്സരത്തിൽ ആതിഥേയരായ ശ്രീലങ്ക അണ്ടർ 19 ടീമിനെ 135 റൺസിന് തോൽപിച്ചു. ഇതോടെ അഞ്ചു മത്സരങ്ങളടങ്ങിയ പരമ്പരയിൽ 2-2ന് ഇന്ത്യ ഒപ്പംപിടിച്ചു. ജേതാക്കളെ നിർണയിക്കുന്ന അവസാന മത്സരം വ്യാഴാഴ്ച നടക്കും.
ആദ്യം ബാറ്റുചെയ്ത ഇന്ത്യ അണ്ടർ 19 ടീം േദവദൂത് പടിക്കൽ (71), ക്യാപ്റ്റൻ ആര്യൻ ജുയാൽ (60) എന്നിവരുടെ ബാറ്റിങ് മികവിൽ 278 റൺസെടുത്തിരുന്നു. മറുപടി ബാറ്റിങ്ങിനിറങ്ങിയ ആതിഥേയർ 143 റൺസിന് തകർന്നടിഞ്ഞതോടെയാണ് ഇന്ത്യ വീണ്ടും പരമ്പര പ്രതീക്ഷ സജീവമാക്കിയത്. ഇന്ത്യക്കായി ആയുഷ് ബദോണി, ഹാർഷ് ത്യാഗി എന്നിവർ മൂന്നു വീതം വിക്കറ്റ് വീഴ്ത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.