ബംഗളൂരു: വെള്ളിയാഴ്ച നടക്കുന്ന വിജയ് ഹസാരെ ട്രോഫി കലാശപ്പോരാട്ടത്തിൽ കർണാടക തമിഴ്നാടിനെ നേരിടും. എം. ചി ന്നസ്വാമി സ്റ്റേഡിയത്തിലാണ് മത്സരം. ഗുജറാത്തിനെ അഞ്ചു വിക്കറ്റിന് കീഴടക്കിയാണ് ദിനേഷ് കാർത്തിക് നയി ക്കുന്ന തമിഴ്നാട് ഫൈനൽ ബെർത്തുറപ്പിച്ചത്.
ആദ്യം ബാറ്റുചെയ്ത ഗുജറാത്ത് 40 ഓവറിൽ ഒമ്പതു വിക്കറ്റ് നഷ്ടത്തിൽ 177 റൺസെടുത്തു. മറുപടി ബാറ്റിങ്ങിൽ തമിഴ്നാട് ഒരു ഓവർ ശേഷിക്കെ അഞ്ചു വിക്കറ്റ് നഷ്ടത്തിൽ ലക്ഷ്യം നേടി. സെമിയിൽ ഛത്തിസ്ഗഢിനെ ഒമ്പതു വിക്കറ്റിന് തകർത്തായിരുന്നു മനീഷ് പാെണ്ഡ നയിക്കുന്ന കർണാടകയുടെ ഫൈനൽ പ്രവേശനം.
ഛത്തിസ്ഗഢ് ഉയർത്തിയ 224 റൺസ് വിജയലക്ഷ്യം ലോകേഷ് രാഹുൽ (88 നോട്ടൗട്ട്), ദേവ്ദത്ത് പടിക്കൽ (92), മായങ്ക് അഗർവാൾ (47 നോട്ടൗട്ട്) എന്നിവരുടെ ബാറ്റിങ് മികവിൽ 10 ഓവർ ബാക്കിനിക്കെ കർണാടക അടിച്ചെടുക്കുകയായിരുന്നു. റോബിൻ ഉത്തപ്പയുടെ നായകത്വത്തിൽ ടൂർണമെൻറിനിറങ്ങിയ കേരളം നോക്കൗട്ട് റൗണ്ട് കാണാതെ പുറത്തായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.