സിഡ്നി: ആസ്ട്രേലിയക്കെതിരായ മൂന്നാം ട്വൻറി20യിൽ ഇന്ത്യക്ക് 198 റൺസ് വിജയലക്ഷ്യം. ആദ്യം ബാറ്റ് ചെയ്ത ഓസീസ് നിശ്ചിത 20 ഓവറിൽ അഞ്ച് വിക്കറ്റ് നഷ്ടത്തിൽ 197 റൺസെടുത്തു. ഓപണറായി ഇറങ്ങിയ ഷെയ്ൻ വാട്സൺ സെഞ്ച്വറി നേടി. 71 പന്തിൽ 124 റൺസാണ് വാട്സൺ നേടിയത്. ആദ്യ രണ്ട് മത്സരവും ജയിച്ച ഇന്ത്യ ഇതിനകം തന്നെ ട്വൻറി20 പരമ്പര സ്വന്തമാക്കിയിട്ടുണ്ട്.
ഓസീസ് നിരയിൽ വാട്സൺ മാത്രമാണ് മികച്ച പ്രകടനം പുറത്തെടുത്തത്. 10 ഫോറും നാല് സിക്സറും അടങ്ങുന്നതാണ് വാട്സൻെറ ഇന്നിങ്സ്. വാട്സനൊപ്പം ഇന്നിങ്സ് ഓപൺ ചെയ്ത ഉസ്മാൻ ഖവാജ ആറ് പന്തിൽ 10 റൺസെടുത്ത് പുറത്തായി. പിന്നാലെയെത്തിയ ഷോൺ മാർഷും (9), വെടിക്കെട്ട് വീരൻ ഗ്ലെൻ മാക്സ് വെല്ലും (3) പെട്ടെന്ന് പുറത്തായി. പിന്നീട് ക്രീസിൽ എത്തിയ ട്രാവിസ് ഹെഡാണ് കുറച്ചുനേരം പിടിച്ചുനിന്നത്. ഹെഡ് 19 പന്തിൽ 26 റൺസെടുത്തു. ക്രിസ് ലിൻ 13 റൺസെടുത്ത് പുറത്തായി.
ഇന്ത്യയുടെ ആറ് ബൗളർമാരിൽ അഞ്ച് പേരും ഒരോ വിക്കറ്റ് വീതം നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.