ലോക റാപിഡ്​ ചെസ്സിൽ കിരീടം ചൂടി ഇന്ത്യയുടെ കെ​ാനേരു ഹംപി

മോസ്​കോ: വേൾഡ്​ റാപിഡ്​ ചെസ്​ ചാമ്പ്യൻഷിപ്പിൽ കിരീടമണിഞ്ഞ്​ ഇന്ത്യയുടെ കെ​ാനേരു ഹംപി. റഷ്യയിൽ നടന്ന ലോക പോരാട്ടത്തിൽ പുരുഷ വിഭാഗത്തിൽ മാഗ്​നസ്​ കാൾസൻ കിരീടമണിഞ്ഞപ്പോൾ, വനിത വിഭാഗത്തിൽ ​േപ്ല ഓഫിലൂടെയാണ്​ ആന്ധ്രപ്രദേശുകാരിയായ ഹംപി കിരീടമണിഞ്ഞത്​. ഇതാദ്യമായാണ്​ ഒരു ഇന്ത്യൻ വനിത ചെസ്സിലെ വിശ്വകിരീടത്തിൽ മുത്തമിടുന്നത്​. നേരത്തേ പുരുഷന്മാരിൽ വിശ്വനാഥൻ ആനന്ദ്​ രണ്ടു തവണ റാപിഡ്​ വേൾഡ്​ കിരീടം ചൂടിയിരുന്നു. ലോക ചെസ്സിൽ എതിരില്ലാതെ വാഴുന്ന കാൾസ​​െൻറ മൂന്നാം റാപിഡ്​ കിരീടമാണിത്​. എട്ട്​ ജയവും ഏഴ്​​ സമനിലയും നേടിയാണ്​ നോർവീജിയൻ ഇതിഹാസം അതിവേഗ കളത്തിൽ കിരീടമണിഞ്ഞത്​.

എന്നാൽ, വനിത ജേതാവിനെ നിശ്ചയിക്കാൻ ​േപ്ല ഓഫ്​ വേണ്ടിവന്നു. ഒപ്പത്തിനൊപ്പമായതോടെ ​േപ്ല​ഓഫിൽ ചൈനയുടെ ലീ ടിങ്​ജിയെ തോൽപിച്ചാണ്​ 32കാരിയായ ഹംപി റാപിഡിലെ പുതിയ ജേതാവായി മാറിയത്​. 2012ൽ ഇവർ റാപിഡ്​ ചാമ്പ്യൻഷിപ്പിൽ മൂന്നാം സ്ഥാന​ത്തെത്തിയിരുന്നു. ലോക ചാമ്പ്യൻഷിപ്പിൽ 2011ൽ മൂന്നാം സ്ഥാനക്കാരിയായി മടങ്ങി. 15ാം വയസ്സിൽ ഗ്രാൻഡ്​മാസ്​റ്റർ പദവി നേടിയ ഹംപി വനിതകളിൽ ഏറ്റവും കുറഞ്ഞ പ്രായത്തിൽ ഈനേട്ടം സ്വന്തമാക്കിയ താരമാണ്​.

ഹംപി റ​ി​ട്ടേൺസ്​
2014ൽ വിവാഹിതയായ ശേഷം അമ്മയാവാൻ രണ്ടുവർഷം ചെസിൽനിന്ന്​ വിട്ടുനിന്ന ഹംപി ഈ വർഷം ആദ്യത്തിലാണ്​ തിരിച്ചെത്തിയത്​. തുടർന്ന്​ ഒരു വർഷത്തിനുള്ളിലാണ്​ തിളക്കമേറിയ ലോകകിരീടത്തിൽ മുത്തിമിടുന്നത്​. രണ്ടു ദിവസം എട്ട്​ റൗണ്ട്​ നീണ്ട മത്സരത്തിനൊടുവിൽ നാല്​ താരങ്ങളാണ്​ 6.5 പോയൻറുമായി ഒന്നാം സ്ഥാനത്തുണ്ടായിരുന്നത്​. ഐറിന ബൾമാഗ, ടാൻ ​ഴോങ്​യി, ലെ ടിങ്​ജി, മറിയ മുസിചുക്​ എന്നിവർ. 6 പോയൻറുമായി ഇന്ത്യക്കാരായ ഹംപിയും ഡി. ഹരികയും ഉൾപ്പെടെ ആറുപേർ.

12 റൗണ്ടുള്ള വനിത റാപിഡി​​െൻറ അവസാന റൗണ്ട്​ തുടങ്ങു​േമ്പാൾ ടിങ്​ജി ഒമ്പത്​ പോയൻറുമായി മുന്നിലും ടാൻ ഴോങ്​യി 8.5 പോയൻറുമായി രണ്ടും ഹംപി ഉൾപ്പെടെ അഞ്ചുപേർ എട്ട്​ പോയൻറുമായി മൂന്നാമതുമായിരുന്നു. അവസാന റൗണ്ടിൽ ടാൻ ഴോങ്​യി ഹംപിക്ക്​ സമനില ഓഫർ ചെയ്​തെങ്കിലും ഇന്ത്യൻ താരം നിരസിച്ചു. തുടർന്ന്​ ചടുല നീക്കങ്ങളിൽ ഹംപി മത്സരം ജയിച്ചു. സമനിലകൊണ്ട്​ കിരീടം ഉറപ്പിക്കാമായിരുന്ന ടിങ്​ജി തോൽവി വഴങ്ങിയതോടെ മൂന്നുപേർ ഒമ്പത്​ പോയൻറുമായി ഒപ്പമെത്തി. തുടർന്നായിരുന്നു ​േപ്ല ​ഓഫിൽ ഹംപിയുടെ കിരീട വിജയം. 12 റൗണ്ടിൽ ഏഴ്​ ജയവും നാല്​ സമനിലയും ഒരു തോൽവിയുമായിരുന്നു ഫലം.

‘‘മൂന്നാം ദിനം ആദ്യ ഗെയിം തുടങ്ങു​േമ്പാഴൊന്നും ഞാൻ ഒന്നാമതെത്തുമെന്ന്​ ചിന്തിച്ചി​ട്ടേയില്ല. ആദ്യ മൂന്നിൽ ഒരാളാവുക മാത്രമേ ലക്ഷ്യമുണ്ടായിരുന്നുള്ളൂ. ​​ൈ​ടബ്രേക്കർ കളിക്കേണ്ടിവരുമെന്നും പ്രതീക്ഷിച്ചില്ല. എ​​െൻറ ആദ്യ ലോക കിരീടമാണിത്​. ക്ലാസിക്കൽ ചെസ്സിലെ കിരീടമാണ്​ ജനങ്ങൾ മു​െമ്പാക്കെ പ്രതീക്ഷിച്ചത്​. ഇപ്പോൾ റാപിഡിൽ എനിക്ക്​ നേട്ടം കൊയ്യാനായി. തീർത്തും അപ്രതീക്ഷിതമാണ്​ ഈ വിജയം.’’-ലോക കിരീടം ​ചൂടിയ ശേഷം കൊനേരു ഹംപി

റാപിഡ്​ ചെസ്​
സ്​റ്റാൻഡേഴ്​ഡ്​ ചെസ്​ മണിക്കൂറുകൾ നീളുന്ന പോരാട്ടമാണെങ്കിൽ അതിവേഗ നീക്കങ്ങളുടെ അങ്കമാണ്​ റാപിഡും ബ്ലിറ്റ്​സും. ബുദ്ധികൂർമതക്കൊപ്പം നീക്കങ്ങളിലെ ചടുലതയും വിജയിയെ തീരുമാനിക്കുന്നു. റാപിഡിൽ ഒരു താരത്തിന്​ ആകെ 15 മിനിറ്റ്​ അനുവദിക്കും. ഓരോ നീക്കത്തിനും 10 സെക്കൻഡ്​ ഇൻക്രിമ​െൻറ്​. പുരുഷ വിഭാഗത്തിൽ 15ഉം വനിതകളിൽ 12ഉം റൗണ്ട്​ നീളുന്നതാണ്​ റാപിഡ്​ ചാമ്പ്യൻഷിപ്​. സമ്മാനത്തുക: ​ജേതാവിന്​ 60,000 ഡോളർ (42.85 ലക്ഷം രൂപ)