ഫെഡറേഷൻ കപ്പ് അത്ലറ്റിക്സ് മാറ്റിവെച്ചു
ന്യൂഡൽഹി: ഏപ്രിൽ ആറു മുതൽ എട് ടുവരെ ഭോപാലിൽ നടക്കേണ്ട ദേശീയ ഫെഡറേഷൻ കപ്പ് അത്ലറ്റിക്സ് ചാമ്പ്യൻഷിപ് മാറ ്റിവെച്ചു. ഇന്ത്യൻ അത്ലറ്റിക്സ് ഫെഡറേഷേൻറതാണ് തീരുമാനം.
പുതിയ തീയതി പിന്നീ ട് അറിയിക്കുമെന്ന് എ.എഫ്.ഐ പ്രസിഡൻറ് അദിലെ ജെ. സുമരിവാല അറിയിച്ചു. മേയിൽ തായ് ലൻഡിൽ നടക്കേണ്ട ഏഷ്യൻ ജൂനിയർ അത്ലറ്റിക്സ് ചാമ്പ്യൻഷിപ് റദ്ദാക്കാൻ ഏഷ്യൻ അത്ലറ്റിക്സ് അസോസിയേഷൻ നേരത്തെ തീരുമാനിച്ചിരുന്നു.
സന്തോഷ് ട്രോഫി മാറ്റി
ന്യൂഡൽഹി: ഏപ്രിൽ 14 മുതൽ 27 വരെ മിസോറമിൽ നടക്കേണ്ട സന്തോഷ് ട്രോഫി ഫൈനൽ റൗണ്ട് മത്സരങ്ങൾ മാറ്റിവെച്ചു. കോവിഡ് പടരുന്ന പശ്ചാത്തലത്തിലാണ് അഖിലേന്ത്യ ഫുട്ബാൾ ഫെഡറേഷെൻറ തീരുമാനം. ജനുവരിയിൽ നടക്കേണ്ട ഫൈനൽ റൗണ്ട് മത്സരങ്ങൾ അനിശ്ചിതമായി നീണ്ടുപോയതോടെ, ഒരാഴ്ച മുമ്പാണ് പുതിയ തീയതിയും വേദിയും പ്രഖ്യാപിച്ചത്.
ഏഷ്യ: ലോകകപ്പ് യോഗ്യത മത്സരങ്ങൾ നീട്ടി
ദുബൈ: ഏഷ്യയിലെ ലോകകപ്പ് യോഗ്യത മത്സരങ്ങൾ നീട്ടിവെച്ചു. ഏഷ്യൻ ഫുട്ബാൾ കോൺഫെഡറേഷനുമായി നടത്തിയ ചർച്ചകൾക്കൊടുവിൽ ഫിഫയാണ് തീരുമാനമെടുത്തത്. മാർച്ച് 26, 31 തീയതികളിലും ജൂൺ മാസത്തിലും നടക്കേണ്ട മത്സരങ്ങളാണ് നീട്ടുക. ഇന്ത്യ- ഖത്തർ മത്സരം ഇതോടെ മുടങ്ങുമെന്നുറപ്പായി.
പ്രതിസന്ധി നേരത്തെ പരിഹരിക്കപ്പെട്ടാൽ ജൂൺ മാസത്തിലുള്ള കളികൾ ഇരു രാജ്യങ്ങളുടെയും തീരുമാന പ്രകാരം സമയത്ത് നടത്താം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.