ഭൂ​ഖ​ണ്ഡ​ക​ടാ​ഹം: ഇ​ന്റ​ർ കോ​ണ്ടി​നെ​ന്റ​ൽ ക​പ്പ്, ഇ​ന്ത്യ​ക്ക് ല​ബ​നീ​സ് ചാ​ല​ഞ്ച്

ഭു​വ​നേ​ശ്വ​ർ: ഇ​ന്റ​ർ കോ​ണ്ടി​നെ​ന്റ​ൽ ക​പ്പ് ഫു​ട്ബാ​ൾ കി​രീ​ടം തേ​ടി ഇ​ന്ത്യ ഞാ​യ​റാ​ഴ്ച ക​ലിം​ഗ സ്റ്റേ​ഡി​യ​ത്തി​ൽ ല​ബ​നാ​നെ നേ​രി​ടും. 2018ലെ ​ഉ​ദ്ഘാ​ട​ന എ​ഡി​ഷ​നി​ൽ ജേ​താ​ക്ക​ളാ​യ ആ​തി​ഥേ​യ​ർ ര​ണ്ടാം കി​രീ​ട​മാ​ണ് ല​ക്ഷ്യ​മി​ടു​ന്ന​ത്. ലീ​ഗ് റൗ​ണ്ടി​ൽ തോ​ൽ​വി​യ​റി​യാ​തെ ഫൈ​ന​ലി​ലെ​ത്തി​യ​വ​രാ​ണ് ഇ​ന്ത്യ​യും ല​ബ​നാ​നും. സു​നി​ൽ ഛേത്രി​യും സം​ഘ​വും മൂ​ന്നി​ൽ ര​ണ്ടു മ​ത്സ​ര​ങ്ങ​ളും ജ​യി​ച്ചെ​ങ്കി​ൽ ല​ബ​നാ​ന് ഒ​രെ​ണ്ണം മാ​ത്ര​മേ നേ​ടാ​നാ​യു​ള്ളൂ. ഇ​വ​രു​ടെ ര​ണ്ടും ഇ​ന്ത്യ​യു​ടെ ഒ​രു മ​ത്സ​ര​വും സ​മ​നി​ല​യി​ലാ​യി. ലീ​ഗി​ലെ അ​വ​സാ​ന മ​ത്സ​ര​ത്തി​ൽ ഇ​രു ടീ​മും ഏ​റ്റു​മു​ട്ടി​യ​പ്പോ​ൾ ഗോ​ൾ​ര​ഹി​ത സ​മ​നി​ല​യി​ലാ​യി.

ആ​ദ്യ ക​ളി​യി​ൽ മം​ഗോ​ളി​യ​ക്കെ​തി​രെ ര​ണ്ടു ഗോ​ൾ ജ​യം നേ​ടി​യ ഇ​ന്ത്യ ര​ണ്ടാ​മ​ത്തേ​തി​ൽ ഫി​ഫ റാ​ങ്കി​ങ്ങി​ൽ 164ലു​ള്ള വ​നു​വാ​തു​വി​നെ​തി​രെ ഒ​റ്റ ഗോ​ളി​ന് ക​ട​ന്നു​കൂ​ടു​ക​യാ​യി​രു​ന്നു. ല​ബ​നാ​നെ​തി​രെ ഗോ​ളൊ​ന്നും പി​റ​ന്ന​തു​മി​ല്ല. ആ​ദ്യ ഇ​ല​വ​നി​ൽ പ​രീ​ക്ഷ​ണ​ങ്ങ​ളു​ടെ നാ​ളു​ക​ളാ​യി​രു​ന്നു പ​രി​ശീ​ല​ക​ൻ ഇ​ഗോ​ർ സ്റ്റി​മാ​ക്കി​ന്. മം​ഗോ​ളി​യ​ക്കെ​തി​രാ​യ ക​ളി​ക്കു​ശേ​ഷം വ​നു​വാ​തു​വി​നെ​തി​രെ ലൈ​ന​പ്പി​ൽ ഒ​മ്പ​തു മാ​റ്റ​ങ്ങ​ൾ വ​രു​ത്തി. ല​ബ​നാ​നു​മാ​യി ഫ​ലം അ​പ്ര​സ​ക്ത​മാ​യ ക​ളി​യി​ൽ ഒ​രു പ​ടി​കൂ​ടി ക​ട​ന്ന് 10 മാ​റ്റ​ങ്ങ​ൾ. ക്യാ​പ്റ്റ​നും സ്ട്രൈ​ക്ക​റു​മാ​യ ഛേത്രി​യെ​യും ഗോ​ൾ കീ​പ്പ​ർ ഗു​ർ​പ്രീ​ത് സി​ങ് സ​ന്ധു​വി​നെ​യും ബെ​ഞ്ചി​ലി​രു​ത്തി. നാ​യ​ക​ന്റെ ആം​ബാ​ൻ​ഡ് ഡി​ഫ​ൻ​ഡ​ർ സ​ന്ദേ​ശ് ജി​ങ്കാ​ന് ന​ൽ​കി​യ​പ്പോ​ൾ ഗോ​ൾ​വ​ല​യി​ൽ കാ​വ​ൽ നി​ന്ന​ത് അ​മ​രീ​ന്ദ​ർ സി​ങ്.

പ​രി​ക്കു​ക​ൾ ടീ​മി​നെ പ്ര​യാ​സ​ത്തി​ലാ​ക്കു​ന്നു​ണ്ടെ​ന്ന് സ​മ്മ​തി​ച്ച സ്റ്റി​മാ​ക്, വ്യാ​ഴാ​ഴ്ച ല​ബ​നാ​നെ​തി​രാ​യ മ​ത്സ​ര​ത്തി​ൽ ഇ​ന്ത്യ മോ​ശ​മാ​ക്കി​യ​താ​യി ക​രു​തു​ന്നി​ല്ലെ​ന്ന് വ്യ​ക്ത​മാ​ക്കി. മു​ന്നേ​റ്റ​ത്തി​ൽ ഇ​ഷാ​ൻ പ​ണ്ഡി​ത​യു​ടെ അ​ഭാ​വം വ​ലി​യ തി​രി​ച്ച​ടി ത​ന്നെ​യാ​ണ്. ല​ബ​നാ​നു​മാ​യി ക​ളി​ച്ച​പ്പോ​ൾ നാ​ല് അ​വ​സ​ര​ങ്ങ​ൾ ല​ഭി​ച്ചു. ഇ​ത് അ​ത്ര എ​ളു​പ്പ​മു​ള്ള കാ​ര്യ​മ​ല്ല. അ​ന്ന​ത്തെ ത​ന്ത്ര​ങ്ങ​ൾ മാ​റ്റി​പ്പി​ടി​ക്കേ​ണ്ട​തു​ണ്ടെ​ന്നും ക​രു​തു​ന്നി​ല്ല. പ​രി​ക്ക് ഭേ​ദ​മാ‍യി വ​രു​ന്ന ആ​ഷി​ഖ് കു​രു​ണി​യ​നെ 90 മി​നി​റ്റും ക​ളി​പ്പി​ക്കു​ക റി​സ്കാ​യി​രു​ന്നു. സ്ട്രൈ​ക്ക​ർ റ​ഹീം അ​ലി​ക്കെ​തി​രെ കാ​ണി​ക​ളി​ൽ​നി​ന്ന് വി​മ​ർ​ശ​നം ഉ​യ​ർ​ന്ന​തി​ൽ വി​ഷ​മ​മു​ണ്ട്. സ്ട്രൈ​ക്ക​ർ​മാ​രി​ൽ വി​ശ്വാ​സ​മ​ർ​പ്പി​ക്കു​ക​യും അ​വ​രെ പി​ന്തു​ണ​ക്കു​ക​യും വേ​ണ​മെ​ന്ന് സ്റ്റി​മാ​ക് കൂ​ട്ടി​ച്ചേ​ർ​ത്തു.

സ്പാ​നി​ഷ് ക്ല​ബാ​യ കാ​ഡി​സി​ൽ സ്റ്റി​മാ​ക്കി​ന്റെ സ​ഹ​താ​ര​മാ​യി​രു​ന്നു നി​ല​വി​ലെ ല​ബ​നാ​ൻ കോ​ച്ച് അ​ല​ക്സാ​ണ്ട​ർ ഐ​ലി​ക്. 2018ലെ ​ഇ​ന്റ​ർ കോ​ണ്ടി​നെ​ന്റ​ൽ ക​പ്പ് പ്ര​ഥ​മ എ​ഡി​ഷ​നി​ൽ കെ​നി​യ​യെ 2-0ത്തി​ന് തോ​ൽ​പി​ച്ചാ​ണ് ഇ​ന്ത്യ കി​രീ​ടം നേ​ടി​യ​ത്. 2019ൽ ​പ​​ക്ഷേ, ആ​തി​ഥേ​യ​ർ നാ​ലാം സ്ഥാ​ന​ത്താ​യി. ഉ​ത്ത​ര കൊ​റി​യ​യാ​യി​രു​ന്നു ജേ​താ​ക്ക​ൾ. അ​തി​നു​ശേ​ഷം ഈ ​വ​ർ​ഷ​മാ​ണ് മ​ത്സ​ര​ങ്ങ​ൾ ന​ട​ക്കു​ന്ന​ത്. അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ന്റെ കാ​ർ​മി​ക​ത്വ​ത്തി​ൽ ന​ട​ക്കു​ന്ന ച​തു​ർ രാ​ഷ്ട്ര ടൂ​ർ​ണ​മെ​ന്റി​ൽ ഓ​രോ ത​വ​ണ​യും ഇ​ന്ത്യ​യൊ​ഴി​കെ​യു​ള്ള ടീ​മു​ക​ൾ വ്യ​ത്യ​സ്ത​മാ​ണ്.