മഡ്രിഡ്: ലോകകിരീടം നേടി ദിവസങ്ങൾക്കകം സ്പെയിൻ വനിത ടീം പരിശീലകൻ ജോർജ് വിൽദയെ ഫുട്ബാൾ ഫെഡറേഷൻ പുറത്താക്കി. കിരീടം നേടിയ ആഘോഷത്തിനിടെ ടീം അംഗം ജെന്നി ഹെർമോസോയെ ചുണ്ടിൽ ചുംബിച്ച സ്പാനിഷ് ഫുട്ബാൾ ഫെഡറേഷൻ പ്രസിഡന്റ് ലൂയിസ് റൂബിയാലെസിനെ അച്ചടക്ക സമിതി സസ്പെൻഡ് ചെയ്തിരുന്നു.
സ്ഥാനം രാജിവെക്കാൻ വിസമ്മതിച്ച റൂബിയാലെസിനെ പിന്തുണച്ച് വിൽദ രംഗത്തെത്തിയതിനെത്തുടർന്നാണ് പരിശീലക സ്ഥാനത്തുനിന്ന് പുറത്താക്കിയത്. ലോകകപ്പിന് മുമ്പ് 15ഓളം താരങ്ങൾ വിൽദക്ക് കീഴിൽ കളിക്കാൻ കഴിയില്ലെന്ന് അറിയിച്ചിരുന്നെങ്കിലും അദ്ദേഹത്തെ നിലനിർത്തുകയായിരുന്നു ഫെഡറേഷൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.