പാരീസ്: ബാഴ്സലോണ വിട്ട് സൂപ്പർ താരം ലയണൽ മെസ്സിയെത്തിയതോടെ ഫ്രഞ്ച് ക്ലബായ പി.എസ്ജിയുടെ ഡ്രസിങ് റൂമിലും ആവേശം. ലാലിഗയിലെ തന്‍റെ എതിരാളിയായിരുന്ന സെർജിയോ റാമോസ് അടക്കമുള്ള താരങ്ങൾക്കൊപ്പം മെസ്സി വ്യാഴാഴ്ച പരിശീലനം നടത്തി.
പി.എസ്.ജി താരങ്ങൾക്കൊപ്പം താരം ഡ്രസിങ് റൂമിലെത്തുന്നതിന്‍റെയും പരിശീലിക്കുന്നതിന്‍റെയും വിഡിയോ ക്ലബ് ഇൻസ്റ്റഗ്രാമിൽ പങ്കുവെച്ചിട്ടുണ്ട്. ബദ്ധശത്രുക്കളായിരുന്ന മെസ്സിയെ കെട്ടിപ്പിടിച്ചാണ് റാമോസ് സ്വാഗതം ചെയ്യുന്നത്. ഇരുവരും കുശലം പറയുന്നതും വിഡിയോയിൽ കാണാം.
ലാലിഗയുടെ സാമ്പത്തിക നിയന്ത്രണങ്ങളെ തുടർന്നാണ് കുട്ടിക്കാലം തൊട്ട് പന്തു തട്ടുന്ന ബാഴ്സ വിടാൻ മെസ്സി നിർബന്ധിതനായത്. ശേഷം ബാഴ്സയിലെ പഴയ കൂട്ടുകാരൻ നെയ്മറടക്കമുള്ളവർ അണിനിരക്കുന്ന പി.എസ്.ജിയാണ് മെസ്സി തന്‍റെ ക്ലബായി തെരഞ്ഞെടുത്തത്.
രണ്ടുവർഷത്തേക്കാണ് കരാർ. മെസ്സി എത്തിയതോടെ പി.എസ്.ജിയുടെ ഔദ്യോഗിക ക്ലബ് സ്റ്റോറുകളിലെല്ലാം വൻ തിരക്കാണ്. മെസ്സിയുടെ 30ാം നമ്പർ ജഴ്സിയെല്ലാം ചൂടപ്പം പോലെയാണ് വിറ്റുപോകുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.