"ഇത് ഐ​സ് ഹോ​ക്കിയല്ല...!, മേജർ സോക്കർ ലീഗ് മത്സരം"

വാ​ഷി​ങ്ട​ൺ: മൈ​താ​ന​ത്തെ മ​ഞ്ഞു​വീ​ഴ്ച ചെ​റു​താ​യൊ​ക്കെ പ​രി​ചി​ത​മാ​ണ് ലോ​ക​മെ​ങ്ങും മു​ൻ​നി​ര ഫു​ട്ബാ​ൾ ലീ​ഗു​ക​ളി​ൽ. യു.​എ​സി​ൽ മേ​ജ​ർ സോ​ക്ക​ർ ലീ​ഗി​ലും അ​തു​ത​ന്നെ സം​ഭ​വി​ക്കു​മെ​ന്നേ ക​ഴി​ഞ്ഞ ദി​വ​സ​വും ക​രു​തി​യി​രു​ന്നു​ള്ളൂ. ക​ടു​ത്ത കാ​ലാ​വ​സ്ഥ​യി​ൽ ര​ണ്ടു മ​ണി​ക്കൂ​ർ വൈ​കി​യ​തി​നൊ​ടു​വി​ൽ പു​ന​രാ​രം​ഭി​ച്ച മ​ത്സ​രം നാ​ലു മി​നി​റ്റ് ക​ഴി​ഞ്ഞ് വീ​ണ്ടും നി​ർ​ത്തി​വെ​ക്കു​ന്നു.

ഇ​ത്ത​വ​ണ ഇ​ടി​മി​ന്ന​ലാ​യി​രു​ന്നു വി​ഷ​യം. ഒ​രു മ​ണി​ക്കൂ​ർ കാ​ത്തി​രി​പ്പി​നൊ​ടു​വി​ൽ പു​ന​രാ​രം​ഭി​ക്കു​മ്പോ​ൾ പ​ക്ഷേ, മൈ​താ​ന​മാ​കെ മ​ഞ്ഞു​പു​ത​ഞ്ഞ​നി​ല​യി​ലാ​യി​രു​ന്നു. ഐ​സ് ഹോ​ക്കി മ​റ്റൊ​രു ഗെ​യി​മാ​ണെ​ങ്കി​ൽ സ​മാ​ന​മാ​യി ഐ​സ് സോ​ക്ക​റി​നാ​യി​രു​ന്നു കാ​ണി​ക​ൾ സാ​ക്ഷി​യാ​യ​ത്. ക​രു​ത​ലോ​ടെ ക​ളി ന​യി​ച്ച ലോ​സ് ആ​ഞ്ജ​ല​സ് എ​ഫ്.​സി​യും റി​യ​ൽ സാ​ൾ​ട്ട് ലേ​ക്കും വ​ലി​യ അ​ങ്ക​ത്തി​നു നി​ൽ​ക്കാ​തെ 90 മി​നി​റ്റ് ക​ളി പൂ​ർ​ത്തി​യാ​ക്കി. ക​ളി ഏ​ക​പ​ക്ഷീ​യ​മാ​യ മൂ​ന്നു ഗോ​ളി​ന് സാ​ൾ​ട്ട് ലേ​ക്ക് ടീം ​ജ​യി​ക്കു​ക​യും ചെ​യ്തു.

ഇ​ത്ര മോ​ശം കാ​ലാ​വ​സ്ഥ​യി​ലും ക​ളി നി​ർ​ത്തി​വെ​ക്കാ​തെ തു​ട​ർ​ന്ന​താ​ണ് വി​സ്മ​യ​മാ​യ​ത്. പ​ല​പ്പോ​ഴും കി​ക്കു​ക​ൾ​ക്കാ​യി താ​ര​ങ്ങ​ളെ നി​ർ​ത്താ​ൻ റ​ഫ​റി കാ​ലു​കൊ​ണ്ട് ശ​രി​ക്കും അ​ധ്വാ​നി​ച്ച് വ​ര​യി​ടു​ന്ന കാ​ഴ്ച​യ​ട​ക്കം കൗ​തു​ക​ങ്ങ​ളേ​റെ​യാ​യി​രു​ന്നു സാ​ൾ​ട്ട് ലേ​ക്ക് മൈ​താ​ന​ത്ത്.

സ്വ​ന്തം മൈ​താ​ന​ത്തി​ന്റെ ആ​നു​കൂ​ല്യം പ്ര​യോ​ജ​ന​പ്പെ​ടു​ത്തി​യാ​യി​രു​ന്നു ആ​തി​ഥേ​യ​ർ കാ​ൽ ഡ​സ​ൻ ഗോ​ളു​ക​ൾ എ​തി​രാ​ളി​ക​ളു​ടെ വ​ല​യി​ലെ​ത്തി​ച്ച​ത്. ആ​ദ്യ പ​കു​തി​യി​ൽ​ത​ന്നെ ഗോ​ളു​ക​ൾ മു​ഴു​വ​ൻ അ​ടി​ച്ചു​കൂ​ട്ടി​യ ടീം ​ര​ണ്ടാം പ​കു​തി​യി​ൽ വ​ലി​യ ആ​ക്ര​മ​ണ​ത്തി​ന് മു​തി​രാ​തെ പ്ര​തി​രോ​ധി​ച്ചു​നി​ന്നു.