പ്രീ-സീസണ് സൗഹൃദമത്സരത്തില് റൊണാൾഡോയുടെ മുന്നേറ്റം
അൽഗ്രേവ് (പോർചുഗൽ): സ്വന്തം നാട്ടിൽ നടന്ന പ്രീ-സീസണ് സൗഹൃദമത്സരത്തില് ഗംഭീര പ്രകടനവുമായി ഇതിഹാസ താരം ക്രിസ്റ്റ്യാനോ റൊണാള്ഡോ. സൗദി ക്ലബ് അല് നസ്റിന്റെ സൂപ്പർതാരമായി കളത്തിലിറങ്ങിയ റൊണാള്ഡോ ഹാട്രിക് നേടി. പോർചുഗീസ് ക്ലബ് റിയോ അവെയ്ക്കെതിരെ റൊണാള്ഡോയുടെ മികവിൽ അൽ നസർ 4-0ന് ജയിച്ചു.
15ാം മിനിറ്റില് അല് നസര് ലീഡ് നേടിയിരുന്നു. മുഹമ്മദ് സിമാകനാണ് ലക്ഷ്യം കണ്ടത്. തുടർന്നായിരുന്നു റോണോയുടെ കിടിലൻ ഗോളുകൾ. 44ാം മിനിറ്റില് ആദ്യഗോള്. പിന്നീട് 63, 68 മിനിറ്റുകളിലും ലക്ഷ്യം കണ്ട പോർചുഗീസ് നായകന് ഹാട്രിക് തികച്ചു. അൽ നസ്റുമായുള്ള കരാർ പുതുക്കിയ താരം രണ്ടുവർഷംകൂടി ക്ലബിൽ തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.