മഡ്രിഡ്: ലൈംഗിക പീഡനക്കേസിൽ ശിക്ഷിക്കപ്പെട്ട പ്രമുഖ താരം ഡാനി ആൽവസിന്റെ എടുത്തുകളഞ്ഞ ഇതിഹാസ പദവി തിരിച്ചുനൽകി ബാഴ്സലോണ. നാലു വർഷവും ആറു മാസവും ശിക്ഷിക്കപ്പെട്ടയുടനെയായിരുന്നു ഇതിഹാസ താരങ്ങളുടെ പട്ടികയിൽനിന്ന് താരത്തെ മാറ്റിനിർത്തിയത്.
നിയമനടപടികൾക്കായി ഒന്നര ലക്ഷം യൂറോ പിഴയും വിധിച്ചു. എന്നാൽ, ഇതിഹാസതാര പട്ടികയിൽനിന്ന് മാറ്റിനിർത്തൽ കടുത്ത വിമർശനമുയർത്തിയതോടെ തങ്ങളുടെ വെബ്സൈറ്റിൽ ആൽവസിന്റെ പേര് വീണ്ടും ചേർക്കുകയായിരുന്നു.
ബാഴ്സലോണക്കുവേണ്ടി മുന്നൂറോളം മത്സരങ്ങളിൽ ബൂട്ടുകെട്ടിയ ആൽവെസ് ബ്രസീലിന്‍റെ വിഖ്യാതമായ മഞ്ഞക്കുപ്പായത്തിൽ 128 തവണ കളത്തിലിറങ്ങിയിട്ടുണ്ട്. ബാഴ്സലോണക്കൊപ്പം ആറു ലീഗ് കിരീടനേട്ടങ്ങളിലും മൂന്നു ചാമ്പ്യൻസ് ലീഗ് കിരീടനേട്ടങ്ങളിലും പങ്കാളിയായിരുന്നു.
കരിയറിന്‍റെ അവസാന ഘട്ടത്തിൽ മെക്സിക്കൻ ക്ലബായ പ്യൂമാസ് ആൽവെസുമായി കരാറൊപ്പിട്ടിരുന്നു. കേസിൽ കുടുങ്ങി താരം ജയിലിലായതോടെ 2023 ജനുവരിയിൽ ക്ലബ് കരാർ റദ്ദാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.