മാതാവിനെ പരിചരിക്കാൻ നാട്ടിലേക്ക് മടങ്ങിയ ഓസീസ് നായകൻ പാറ്റ് കമിൻസ് നാട്ടിൽ തന്നെ തുടരും. പകരം സ്റ്റീവ് സ്മിത്ത് ടീമിനെ നയിക്കുമെന്ന് ക്രിക്കറ്റ് ആസ്ട്രേലിയ വ്യക്തമാക്കി. കമിൻസ് നാട്ടിലെത്തി ദിവസങ്ങൾ കഴിഞ്ഞ്, പാലിയേറ്റീവ് ചികിത്സയിലായിരുന്ന മാതാവ് മരണപ്പെട്ടിരുന്നു. എന്നാൽ, വീട്ടിലെ പ്രശ്നങ്ങൾ കാരണം കമിൻസ് ഉടൻ തിരിച്ചുവരില്ലെന്നാണ് സൂചന. ‘‘പാറ്റ് ഉടൻ തിരിച്ചുവരില്ല. നാട്ടിൽ വിഷയങ്ങളുമായി കഴിയുകയാണ് അദ്ദേഹം’’- കോച്ച് ആൻഡ്രൂ മക്ഡൊണാൾഡ് പറഞ്ഞു.
അവസാന രണ്ടു ടെസ്റ്റിലും കളിക്കാതെ പരിക്കുമായി മല്ലിട്ട ഡേവിഡ് വാർണർ ടീമിൽ തിരിച്ചെത്തിയതായും പരിശീലനം നടത്തുന്നതായും അദ്ദേഹം അറിയിച്ചു. കമിൻസിന്റെ അഭാവത്തിൽ നഥാൻ എല്ലിസ്, കാമറൺ ഗ്രീൻ, ജോഷ് ഇൻഗ്ലിസ്, മിച്ചെൽ സ്റ്റാർക് എന്നിവർ ചേർന്നതാകും ഓസീസ് പേസ് നിര.
ആസ്ട്രേലിയൻ ടീം: സ്റ്റീവ് സ്മിത്ത് (ക്യാപ്റ്റൻ), സീന ആബട്ട്, ആഷ്ടൺ ആഗർ, അലക്സ് കാരി, നഥാൻ എല്ലിസ്, കാമറൺ ഗ്രീൻ, ട്രാവിസ് ഹെഡ്, ജോഷ് ഇൻഗ്ലിസ്, മാർനസ് ലബൂഷെയ്ൻ, മിച്ചൽ മാർഷ്, െഗ്ലൻ മാക്സ്വെൽ, മിച്ചൽ സ്റ്റാർക്, മാർകസ് സ്റ്റോയിനിസ്, ഡേവിഡ് വാർണർ, ആദം സാംപ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.