ദുബൈ: അതിവേഗം 400 ടെസ്റ്റ് വിക്കറ്റിലെത്തിയ ഇന്ത്യൻ ബൗളറെന്ന റെക്കോഡ് തൊട്ട രവിചന്ദ്രൻ അശ്വിൻ ഇംഗ്ലണ്ടിനെതിരായ പരമ്പരയിലൂടെ ഐ.സി.സി റാങ്കിങ്ങിൽ കുറിച്ചത് പുതിയ ഉയരങ്ങൾ. ബൗളിങ്ങിൽ നാലു റാങ്ക് കയറി അശ്വിൻ മൂന്നാമനായപ്പോൾ ഒാപണിങ് ബാറ്റ്സ്മാനായ രോഹിത് ശർമ കരിയറിലെ എറ്റവും മികച്ച പ്രകടനവുമായി എട്ടാം സ്ഥാനത്തേക്കു കയറി. അഹ്മദാബാദ് ടെസ്റ്റിൽ ഇംഗ്ലണ്ടിനെതിരെ അശ്വിൻ എട്ടു വിക്കറ്റ് നേടിയിരുന്നു. ബാറ്റിങ്ങിൽ ആദ്യ പത്തിൽ രോഹിത്തിന് കൂട്ടായി വിരാട് കോഹ്ലി, ചേതേശ്വർ പൂജാര എന്നിവരുമുണ്ട്.
ബാറ്റിങ്ങിൽ ന്യൂസിലൻഡ് ബാറ്റ്സ്മാൻ കെയിൻ വില്യംസണാണ് ഒന്നാമത്. ബൗളിങ്ങിൽ ആസ്ട്രേലിയൻ പേസർ പാറ്റ് കമ്മിൻസ് ഏറ്റവും മുന്നിലുണ്ട്.
അഹ്മദാബാദ് ടെസ്റ്റിൽ ഇംഗ്ലണ്ടിനെ ചുരുട്ടിക്കെട്ടിയ 11 വിക്കറ്റ് പ്രകടനവുമായി നിറഞ്ഞുനിന്ന അക്സർ പേട്ടൽ 30 റാങ്ക് കയറി 38ലെത്തി. അക്സർ പേട്ടലിനിത് രണ്ടാം ടെസ്റ്റാണ്.
ലോകം ഏറെ ഭയക്കുന്ന ഇന്ത്യൻ പേസർ ജസ്പ്രീത് ബുംറ ഒരു റാങ്ക് താഴോട്ടുപോയി. സ്പിന്നർമാരെ തുണച്ച പിച്ചിൽ ബുംറക്ക് കാര്യമായി അവസരം ലഭിച്ചിരുന്നില്ല.
ഏറെ പഴിേകട്ട അഹ്മദാബാദ് പിച്ചിൽ രണ്ടു ദിവസത്തിനകം ഇന്ത്യ ഇംഗ്ലണ്ടിനെ ചുരുട്ടിക്കെട്ടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.