ചാ​മ്പ്യ​ൻ​സ് ട്രോ​ഫി; മൂന്നാം ജയം തേടി ഇന്ത്യ

ദു​ബൈ: ചാ​മ്പ്യ​ൻ​സ് ട്രോ​ഫി ഏ​ക​ദി​ന ക്രി​ക്ക​റ്റ് ചാ​മ്പ്യ​ൻ​ഷി​പ്പി​ൽ ഗ്രൂ​പ് എ​യി​ൽ തു​ട​ർ​ച്ച​യാ​യ മൂ​ന്നാം ജ​യ​വും ഒ​ന്നാം സ്ഥാ​ന​വും ല​ക്ഷ്യ​മി​ട്ട് ഇ​ന്ത്യ ഇ​ന്നി​റ​ങ്ങു​ന്നു. സെ​മി ഉ​റ​പ്പി​ച്ച ഇ​ന്ത്യ​യും ന്യൂ​സി​ല​ൻ​ഡും ഏ​റ്റു​മു​ട്ടു​മ്പോ​ൾ ജ​യി​ച്ചാ​ലും തോ​റ്റാ​ലും സെ​മി​യി​ലെ എ​തി​രാ​ളി​ക​ൾ ശ​ക്ത​രാ​ണ്. ഇ​ന്ത്യ ജ​യി​ച്ചാ​ൽ ബി ​ഗ്രൂ​പ്പി​ലെ ര​ണ്ടാം സ്ഥാ​ന​ക്കാ​രും ലോ​ക ജേ​താ​ക്ക​ളു​മാ​യ ആ​സ്ട്രേ​ലി​യ​യാ​കും അ​വ​സാ​ന നാ​ലി​ലെ എ​തി​രാ​ളി​ക​ൾ. തോ​റ്റാ​ൽ ദ​ക്ഷി​ണാ​ഫ്രി​ക്ക​യു​മാ​യി ഏ​റ്റു​മു​ട്ടും.

സ്പി​ന്ന​ർ​മാ​രെ ഫ​ല​പ്ര​ദ​മാ​യി നേ​രി​ടു​ന്ന​വ​ർ​ക്കാ​ണ് ദു​ബൈ​യി​ലെ പി​ച്ചി​ൽ സാ​ധ്യ​ത കൂ​ടു​ത​ൽ. ആ​ദ്യ ര​ണ്ട് ക​ളി​ക​ളും ജ​യി​ച്ചെ​ങ്കി​ലും സ്പി​ന്ന​ർ​മാ​രെ ന​ന്നാ​യി കൈ​കാ​ര്യം ​ചെ​യ്യാ​നാ​യി​ട്ടി​ല്ല. മി​ച്ച​ൽ സാ​ന്റ്ന​റും മൈ​ക്ക​ൽ ബ്രാ​സ്​​വെ​ല്ലു​മാ​ണ് കി​വീ​സ് സ്പി​ൻ നി​ര​യി​ലു​ള്ള​ത്. പാ​ർ​ട്ട് ടൈം ​സ്പി​ന്ന​റാ​യി ​ഗ്ലെ​ൻ ഫി​ലി​പ്സു​മു​ണ്ട്. സാ​ന്റ്ന​റും ഫി​ലി​പ്സും ടെ​സ്റ്റ് പ​ര​മ്പ​ര​യി​ൽ ഇ​ന്ത്യ​ൻ ബാ​റ്റ​ർ​മാ​രെ വെ​ള്ളം​കു​ടി​പ്പി​ച്ചി​രു​ന്നു. ശു​ഭ്മ​ൻ ഗി​ല്ലും വി​രാ​ട് കോ​ഹ്‍ലി​യും ത​ക​ർ​പ്പ​ൻ ഫോ​മി​ലാ​ണെ​ന്ന​ത് റ​ൺ കൂ​മ്പാ​ര​ത്തി​ലേ​ക്ക് ഇ​ന്ത്യ​ൻ പ്ര​തീ​ക്ഷ വ​ർ​ധി​പ്പി​ക്കു​ന്നു. ശ്രേ​യ​സ് അ​യ്യ​രും കെ.​എ​ൽ. രാ​ഹു​ലും സ്പി​ന്ന​ർ​മാ​രെ നേ​രി​ടാ​ൻ ക​ഴി​വു​ള്ള ബാ​റ്റ​ർ​മാ​രാ​ണ്.

ര​വീ​ന്ദ്ര ജ​ദേ​ജ​യും അ​ക്ഷ​ർ പ​ട്ടേ​ലും കു​ൽ​ദീ​പ് യാ​ദ​വും ഗം​ഭീ​ര സ്​​പെ​ല്ലു​ക​ൾ എ​റി​ഞ്ഞി​ല്ലെ​ങ്കി​ലും ചാ​മ്പ്യ​ൻ​സ് ട്രോ​ഫി​യി​ൽ മോ​ശ​മ​ല്ലാ​തെ പ​ന്തെ​റി​ഞ്ഞ​വ​രാ​ണ്. പാ​കി​സ്താ​നെ​തി​രെ റ​ണ്ണൊ​ഴു​ക്ക് ത​ട​ഞ്ഞ​തി​ൽ ഇ​ന്ത്യ​ൻ സ്പി​ന്ന​ർ​മാ​ർ നി​ർ​ണാ​യ​ക പ​ങ്കു​വ​ഹി​ച്ചി​രു​ന്നു. എ​ന്നാ​ൽ, ന്യൂ​സി​ല​ൻ​ഡി​ന് കു​രു​ത്തു​റ്റ ബാ​റ്റി​ങ് നി​ര​യു​ള്ള​ത് ക​ളി​യെ ആ​വേ​ശ​ത്തി​ലാ​ക്കും. കെ​യ്ൻ വി​ല്യം​സ​ൺ, വി​ൽ യ​ങ്, ടോം ​ല​താം, ഡെ​വ​ൺ കോ​ൺ​വേ, ര​ചി​ൻ ര​വീ​ന്ദ്ര എ​ന്നി​വ​ർ പേ​സ​ർ​മാ​ർ​ക്കും ഭീ​ഷ​ണി​യാ​ണ്. ഇ​ന്ത്യ​ൻ നി​ര​യി​ൽ ചി​ല സീ​നി​യ​ർ താ​ര​ങ്ങ​ൾ​ക്ക് വി​ശ്ര​മ​മ​നു​വ​ദി​ച്ചേ​ക്കും.