മുംബൈ: രാജ്യത്തെത്തുന്ന ഇംഗ്ലീഷ് ടീമിനെതിരായ മത്സരങ്ങൾക്കുള്ള ഇന്ത്യ എ ടീമിനെ പ്രഖ്യാപിച്ചു. സായ് സുദർശൻ, രജത് പട്ടീദാർ, സർഫറാസ് ഖാൻ എന്നിവരടങ്ങുന്ന 13 അംഗ ടീമിനെയാണ് അജിത് അഗാർകർ ചെയർമാനായ ബി.സി.സി.ഐ സെലക്ഷൻ സമിതി പ്രഖ്യാപിച്ചത്. ഇംഗ്ലണ്ട് ലയൺസിനെതിരെ ദ്വിദിന മത്സരത്തോടെ ജനുവരി 12നാണ് പരമ്പര തുടങ്ങുക.
ആദ്യ നാലു ദിന മത്സരം ജനുവരി 17ന് അഹ്മദാബാദ് നരേന്ദ്ര മോദി സ്റ്റേഡിയത്തിൽ നടക്കും. ദക്ഷിണാഫ്രിക്കൻ പര്യടനത്തിൽ ടീം ഇന്ത്യക്കൊപ്പമുണ്ടായിരുന്ന ബംഗാൾ താരം അഭിമന്യു ഈശ്വരനാണ് നായകൻ. സായ് സുദർശൻ, പട്ടീദാർ എന്നിവർ ദക്ഷിണാഫ്രിക്കക്കെതിരായ മത്സരത്തിൽ അരങ്ങേറ്റം കുറിച്ചിരുന്നു. പേസ് ആക്രമണം നയിച്ച് നവ്ദീപ് സെയ്നി, ആകാശ് ദീപ് എന്നിവരും കൂടെ വിദ്വത് കവരപ്പ, തുഷാർ ദേശ്പാണ്ഡെ എന്നിവരിൽ ഒരാളുമുണ്ടാകും.
ടീം: അഭിമന്യു ഈശ്വരൻ, സായ് സുദർശൻ, രജത് പട്ടീദാർ, സർഫറാസ് ഖാൻ, പ്രദോഷ് രഞ്ജൻ പോൾ, കെ.എസ് ഭരത് (വിക്കറ്റ് കീപർ), മാനവ് സുതർ, പുൽകിറ്റ് നാരംഗ്, നവ്ദീപ് സെയ്നി, തുഷാർ ദേശ്പാണ്ഡെ, വിദ്വത് കവരപ്പ, ധ്രുവ് ജുറൽ (വിക്കറ്റ് കീപർ), ആകാശ് ദീപ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.