മെഡൽ നേടുന്ന ഇന്ത്യയുടെ ബിന്ദ്യാറാണി
ജിൻജു (ദക്ഷിണ കൊറിയ): ഏഷ്യൻ ഭാരോദ്വഹന ചാമ്പ്യൻഷിപ്പിൽ ഇന്ത്യയുടെ ബിന്ദ്യാറാണി ദേവി വനിത 55 കിലോഗ്രാം ഇനത്തിൽ വെള്ളി മെഡൽ നേടി. സ്നാച് (83 കി.ഗ്രാം), ക്ലീൻ ആൻഡ് ജെർക് (111 കി.ഗ്രാം) വിഭാഗങ്ങളിലായി ആകെ 194 കിലോയാണ് ഉയർത്തിയത്.
തായ് വാന്റെ ചെൻ ഗുവാൻ ലിങ് (204) സ്വർണവും വിയറ്റ്നാമിന്റെ വോ തി ക്യുൻ നൂ (192) വെങ്കലവും കരസ്ഥമാക്കി. അതേസമയം, അക്രമസംഭവങ്ങൾ അരങ്ങേറിക്കൊണ്ടിരിക്കുന്ന മണിപ്പൂരിലെ തന്റെ കുടുംബാംഗങ്ങളുമായി ബന്ധപ്പെടാൻ കഴിയുന്നില്ലെന്ന് മെഡൽ നേടിയ ശേഷം ബിന്ദ്യാറാണി വാർത്താ ഏജൻസിയോട് പറഞ്ഞു.
രണ്ട് ദിവസമായി വീട്ടുകാരെക്കുറിച്ച് ഒരു വിവരവുമില്ല. തന്റെ മാതാപിതാക്കളും ബന്ധുക്കളും സുരക്ഷിതാരാണോ എന്ന് പോലും അറിയില്ലെന്നും താരം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.