ചെന്നൈ: മദ്രാസ് ഇന്റർനാഷനൽ സർക്യൂട്ടിൽ കാറോട്ട മത്സരത്തിനിടെയുണ്ടായ അപകടത്തിൽ പ്രമുഖ റേസർ കെ.ഇ. കുമാറിന് ദാരുണാന്ത്യം.
ഫെഡറേഷൻ ഓഫ് മോട്ടോർ സ്പോർട്സ് ക്ലബ്സ് ഓഫ് ഇന്ത്യ-മദ്രാസ് മോട്ടോഴ്സ് സ്പോർട്സ് ക്ലബ് സലൂൺ കാർ റേസിങ് ചാമ്പ്യൻഷിപ് രണ്ടാം റൗണ്ടിനിടെ ഞായറാഴ്ച രാവിലെയാണ് സംഭവം. 59കാരനായ കുമാറിന്റെ കാർ നിയന്ത്രണംവിട്ട് ട്രാക്കിൽനിന്ന് തെന്നി മറ്റൊരു കാറിൽ തട്ടി പുറത്തേക്കു പോവുകയും മതിലിലിടിച്ച് തകരുകയുമായിരുന്നു. ഉടനെ അദ്ദേഹത്തെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.
മദ്രാസ് മോട്ടോഴ്സ് സ്പോർട്സ് ക്ലബ് ആജീവനാന്ത അംഗമായ കുമാറിനോടുള്ള ആദരാർഥം ഇന്നലത്തെ മത്സരങ്ങൾ നിർത്തിവെച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.