വിവാഹമണ്ഡപത്തിൽ കുഞ്ഞുകുട്ടികളെ പോലി പരസ്പരം തല്ലുകൂടുന്ന വരനും വധുവുമാണ് ഇപ്പോൾ സോഷ്യൽ മീഡിയയിൽ വൈറൽ. ആദ്യം വാക്കേറ്റത്തിൽ തുടങ്ങിയ തർക്കം ഒടുവിൽ കൈയാങ്കളിയിൽ അവസാനിക്കുകയായിരുന്നു.
'ദ ഗുഷ്തി' എന്ന ഇൻസ്റ്റാഗ്രാം പേജിൽ ജൂലൈ 6 നാണ് വിഡിയോ പോസ്റ്റ് ചെയ്തിരിക്കുന്നത്. വരനും വധുവും തമ്മിലുള്ള വാഗ്വാദമാണ് വിഡിയോയിൽ. ദീർഘവും സങ്കീർണ്ണവുമായ ചടങ്ങ് ദമ്പതികളെ അലോസരപ്പെടുത്തിയതാണോ അടിപിടിക്ക് കാരണമെന്ന് അറിയില്ല. വധു എന്തിനെയോ ചൊല്ലി ചൂടാകുമ്പോൾ വരൻ പുഞ്ചിരിക്കുന്നത് വിഡിയോയിൽ കാണാം.
ബന്ധുക്കളും അതിഥികളും തിങ്ങിനിറഞ്ഞ മണ്ഡപത്തിലാണ് വധൂവരന്മാർ ഇരിക്കുന്നത്. പെട്ടെന്ന്, വധുവും വരനും പരസ്പരം കൈകൾ ഉയർത്തുന്നത് കാണാം. വരൻ അവളെ തടയാൻ കൈ പിടിച്ചപ്പോൾ, ഉടൻ തന്നെ വധു എഴുന്നേറ്റ് ഇടിക്കാൻ ശ്രമിക്കുന്നു. അടുത്തുണ്ടായിരുന്ന ബന്ധു വധുവിനെ തടയാൻ ഇടപെടുന്നതും കാണാം. ഇതിനിടെ അടിതെറ്റി വധുവും വരനും മണ്ഡപത്തിൽ നിന്ന് വീഴുന്നുതും ദൃശ്യങ്ങളിലുണ്ട്. വിവാഹ കർമങ്ങളുടെ ഭാഗമായി പൂജയും അഗ്നികുണ്ഡവും ഒരുക്കിയതിന് മുന്നിൽവെച്ചാണ് ഈ 'അടിപിടി'.
എന്താണ് വഴക്കിന് പിന്നിലെ കാരണമെന്ന് വ്യക്തമല്ല. അതേസമയം, അടികൂടുന്ന സമയം മുഴുവൻ വരൻ പുഞ്ചിരിക്കുന്നത് കാണാം. ഇദ്ദേഹത്തിനെറ ഭാഗത്ത് നിന്നുണ്ടായ എന്തോ വീഴ്ചയാവാംസംഭവത്തിന് പിന്നിലെന്നാണ് കരുതുന്നത്. ചടങ്ങിനിടെ എന്തിനാണ് വധൂവരന്മാർ പൂച്ചകളെയും നായ്ക്കളെയും പോലെ പോരടിക്കുന്നതെന്ന് കമന്റിൽ ചിലർ ചോദികകുന്നുണ്ട്. ഇതുവരെ 30ലക്ഷത്തിലധികം പേർ കണ്ട വിഡിയോക്ക് 71,000ത്തിലധികം ലൈക്കുകൾ ലഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.