ബംഗളൂരു: ലോക്സഭ തെരഞ്ഞെടുപ്പിൽ കർണാടകയിലെ കോൺഗ്രസിനെ പ്രതിരോധത്തിലാക്കി മു ൻ മന്ത്രിയും മുതിർന്ന കോൺഗ്രസ് നേതാവുമായ ഡോ. എ.ബി. മൽക റെഡ്ഡി ബി.ജെ.പിയിൽ ചേർന്നു. കോൺഗ്രസ് പാർട്ടി അംഗത്വം രാജിവെച്ച അദ്ദേഹത്തെ വെള്ളിയാഴ്ച രാവിലെ ബംഗളൂരുവിലെ ബി.ജെ.പി ആസ്ഥാനത്ത് നടന്ന ചടങ്ങിൽ സംസ്ഥാന അധ്യക്ഷൻ ബി.എസ്. യെദിയൂരപ്പ സ്വീകരിച്ചു.
റായ്ച്ചൂർ ലോക്സഭ മണ്ഡലത്തിൽ ഉൾപ്പെടുന്ന യാദ്ഗിർ മണ്ഡലത്തിൽനിന്നുള്ള പ്രമുഖ കോൺഗ്രസ് നേതാവാണ് മൽകാ റെഡ്ഡി. റായ്ച്ചൂർ മണ്ഡലത്തിൽ ബി.ജെ.പി ടിക്കറ്റിൽ മത്സരിക്കുമെന്നാണ് സൂചന. യാദ്ഗിർ മണ്ഡലത്തിലെ മുൻ കോൺഗ്രസ് എം.എൽ.എ ആയ ഇദ്ദേഹം റെഡ്ഡി സമുദായത്തിൽ സ്വാധീനമുള്ള വ്യക്തിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.