ആരാണ്​ ഇതിനെല്ലാം ഉത്തരവാദി?

കോ​ഴി​ക്കോ​ട് താ​മ​ര​ശ്ശേ​രി​യി​ൽ ട്യൂ​ഷ​ൻ സെ​ന്റ​റി​ലെ വി​ദ്യാ​ർ​ഥി​ക​ൾ ത​മ്മി​ലു​ണ്ടാ​യ കൂ​ട്ട​ത്ത​ല്ലി​ൽ പ​രി​ക്കു പ​റ്റി​യ വി​ദ്യാ​ർ​ഥി ക​ഴി​ഞ്ഞ ദി​വ​സം രാ​വി​ലെ ആ​ശു​പ​ത്രി​യി​ൽ വെ​ച്ച് മ​രി​ച്ചു. മ​ന​സ്സ് മ​ര​വി​ച്ചു​പോ​കു​ന്ന എ​ത്ര വാ​ർ​ത്ത​ക​ളാ​ണ് തു​ട​ര​ത്തു​ട​രെ കേ​ട്ടു​കൊ​ണ്ടി​രി​ക്കു​ന്ന​ത്. ‘‘ഷ​ഹ​ബാ​സി​നെ കൊ​ല്ലും എ​ന്ന് ഞാ​ൻ പ​റ​ഞ്ഞി​ല്ലേ. ഞാ​ൻ പ​റ​ഞ്ഞാ പ​റ​ഞ്ഞ​താ, ഓ​ന്റെ ക​ണ്ണൊ​ന്നു പോ​യി നോ​ക്ക്. ക​ണ്ണൊ​ന്നും ഇ​ല്ല ഓ​ന്’’ -അ​ങ്ങാ​ടി​യി​ൽ വെ​ച്ച് കൂ​ട്ടു​കാ​ര​നെ അ​ടി​ച്ച് മ​ര​ണാ​സ​ന്ന​നാ​ക്കി​യി​ട്ട് അ​ന്ന് രാ​ത്രി​യി​ൽ ആ​ക്ര​മ​ണ​ത്തി​ൽ പ​ങ്കാ​ളി​ക​ളാ​യ വി​ദ്യാ​ർ​ഥി​ക​ളു​ടെ ചാ​റ്റി​ലെ വാ​ക്കു​ക​ളാ​ണി​ത്. ആ ​വോ​യ്‌​സു​ക​ൾ ഞെ​ട്ട​ലോ​ടെ​യ​ല്ലാ​തെ കേ​ൾ​ക്കാ​ൻ ക​ഴി​യി​ല്ല.

എ​ന്തു​കൊ​ണ്ടാ​യി​രി​ക്കും ഇ​ത്ത​ര​ത്തി​ൽ കാ​ര്യ​ങ്ങ​ൾ സം​ഭ​വി​ക്കു​ന്ന​ത് എ​ന്ന​ത് ഗൗ​ര​വ​ത്തി​ൽ ആ​ലോ​ചി​ക്കേ​ണ്ടു​ന്ന കാ​ര്യ​മാ​ണ്. ഒ​രു പ​രി​ധി​വ​രെ തൊ​ണ്ണൂ​റു​ക​ൾ​ക്കു ശേ​ഷ​വും, ര​ണ്ടാ​യി​ര​ത്തി​ന് ശേ​ഷം ജ​നി​ച്ച മ​ധ്യ​വ​ർ​ഗ ഫാ​മി​ലി​ക​ളി​ലെ കു​ട്ടി​ക​ൾ​ക്ക് എ​ന്താ​ണ് അ​വ​രു​ടെ മാ​താ​പി​താ​ക്ക​ളി​ൽ​നി​ന്നും ചു​റ്റു​പാ​ടു​ക​ളി​ൽ​നി​ന്നും ല​ഭി​ച്ച ജീ​വി​ത​വു​മാ​യി ബ​ന്ധ​പ്പെ​ട്ട കാ​ഴ്ച​പ്പാ​ടു​ക​ൾ എ​ന്ന​ത് ഇ​തി​ൽ പ്ര​ധാ​ന​മാ​ണ്. പ്ര​വാ​സം സാ​ധ്യ​മാ​ക്കി​യ സൗ​ക​ര്യ​ങ്ങ​ളു​ടെ​യും സം​വി​ധാ​ന​ങ്ങ​ളു​ടെ​യു​മൊ​ക്കെ ഇ​ട​യി​ലേ​ക്ക് ജ​നി​ച്ചു​വീ​ണ കു​ട്ടി​ക​ൾ സാ​മൂ​ഹി​ക ബ​ന്ധ​ങ്ങ​ൾ, ഉ​ത്ത​ര​വാ​ദി​ത്തം എ​ന്ന​തി​നേ​ക്കാ​ൾ പ​ല മാ​താ​പി​താ​ക്ക​ളി​ൽ​നി​ന്നും ക​രി​യ​ർ, സൗ​ക​ര്യ​മു​ള്ള ജീ​വി​തം, സ്വ​ന്തം കാ​ര്യം നോ​ക്ക​ൽ തു​ട​ങ്ങി​യ കാ​ര്യ​ങ്ങ​ളാ​ണ് കൂ​ടു​ത​ൽ കേ​ൾ​ക്കു​ന്ന​ത്.

അ​തോ​ടൊ​പ്പം ഗെ​യി​മു​ക​ളു​ടെ​യും സീ​രീ​സു​ക​ളു​ടെ​യും സ​മൂ​ഹ മാ​ധ്യ​മ​ങ്ങ​ളു​ടെ​യും പ്ര​ക​ട​നാ​ത്മ​ക ഇ​ട​ങ്ങ​ളും അ​വ​ർ​ക്ക് മു​ന്നി​ൽ തു​റ​ക്ക​പ്പെ​ടു​ക​യും ചെ​യ്യു​ന്നു. സൗ​ക​ര്യ​ങ്ങ​ളും സം​വി​ധാ​ന​ങ്ങ​ളും അ​നു​ഭ​വി​ച്ചു മാ​ത്രം വ​രു​ന്ന​വ​ർ​ക്ക് വേ​ദ​ന​ക​ളെ​യും ‘തോ​ൽ​വി’​ക​ളെ​യും അ​ഭി​മു​ഖീ​ക​രി​ക്കാ​ൻ ക​ഴി​യാ​തെ​വ​രു​ന്നു. സ​മൂ​ഹ​ത്തി​ലെ ന്യൂ​നാ​ൽ ന്യൂ​ന​പ​ക്ഷ​മാ​യ വ​ലി​യ സ​മ്പ​ന്ന​ർ മാ​ത്ര​മാ​ണ് വി​ജ​യി​ച്ച ജീ​വി​തം ജീ​വി​ക്കു​ന്ന​വ​ർ എ​ന്ന് ധ​രി​ച്ചു​വ​ശാ​കു​ന്ന​വ​ർ, അ​വ​രു​ടെ ഉ​പ​ഭോ​ഗ ശേ​ഷി​യും ആ​ഡം​ബ​ര​ങ്ങ​ളും കൈ​വ​രി​ക്കാ​ൻ ക​ഴി​യു​ന്നി​ട​ത്താ​ണ് ജീ​വി​ത​ത്തി​ന്റെ അ​ർ​ഥം ക​ണ്ടെ​ത്താ​ൻ ക​ഴി​യൂ എ​ന്ന് വി​ശ്വ​സി​ക്കു​ന്ന​വ​ർ, ‘മാ​സ്’ ആ​യി ജീ​വി​ക്കാ​ൻ ക​ള്ളും ക​ഞ്ചാ​വും ല​ഹ​രി​പ​ദാ​ർ​ഥ​ങ്ങ​ളും വ​യ​ല​ൻ​സു​മൊ​ക്കെ അ​നി​വാ​ര്യ​മാ​ണെ​ന്ന് വി​ചാ​രി​ക്കു​ന്ന​വ​ർ, കു​റ​ച്ചൊ​ക്കെ സാ​ധ​നം ഉ​പ​യോ​ഗി​ച്ചി​ല്ലെ​ങ്കി​ൽ പി​ന്നെ ആ​ണാ​ണെ​ന്ന് പ​റ​ഞ്ഞി​ട്ടെ​ന്തി​നാ എ​ന്ന് ക​രു​തു​ന്ന​വ​ർ, വി​ട്ടു​വീ​ഴ്ച ചെ​യ്തു​കൊ​ടു​ത്താ​ലും മാ​പ്പ് പ​റ​ഞ്ഞാ​ലും കു​റ​ച്ചി​ലാ​യി തോ​ന്നു​ന്ന​വ​രും അ​ത് ഒ​രു ദു​ര​ഭി​മാ​ന​മാ​യി കൊ​ണ്ടു​ന​ട​ക്കു​ന്ന​വ​രും തു​ട​ങ്ങി​യ പ​ല നി​ല​യി​ലു​ള്ള ബോ​ധ്യ​ങ്ങ​ളാ​ണ് നാം ​ജീ​വി​ക്കു​ന്ന ഒ​രു സി​സ്റ്റം​ത​ന്നെ പ​ല​പ്പോ​ഴും ഉ​ൽ​പാ​ദി​പ്പി​ച്ചു​കൊ​ണ്ടി​രി​ക്കു​ന്ന​ത്.

ക​രു​ണ​യെ, ആ​ർ​ദ്ര​ത​യെ, ത്യാ​ഗ​ത്തെ, സ​ഹാ​നു​ഭൂ​തി​യെ ഒ​ക്കെ ന​ട്ടു​ന​ന​ച്ച് വ​ള​ർ​ത്തേ​ണ്ടു​ന്ന വീ​ട​ക​ങ്ങ​ളും വി​ദ്യാ​ല​യ​ങ്ങ​ളും സ്വ​ന്ത​ത്തെ അ​മി​ത​മാ​യി സ്നേ​ഹി​ക്കാ​നും മ​ത്സ​ര​ബു​ദ്ധി​യോ​ടെ മാ​ത്രം കാ​ര്യ​ങ്ങ​ളെ കാ​ണാ​നും വ്യ​ത്യ​സ്ത സാ​മൂ​ഹി​ക സം​ഘാ​ട​ന​ങ്ങ​ളി​ൽ​നി​ന്നും സേ​വ​ന മ​നോ​ഭാ​വ​ത്തി​ൽ​നി​ന്നും അ​ക​റ്റി ‘പ​ഠ​ന’​ത്തി​ലും ക​രി​യ​ർ ഗ്രോ​ത്തി​ലും മാ​ത്രം ശ്ര​ദ്ധ കൊ​ടു​ക്കേ​ണ്ടു​ന്ന​വ​രാ​യി ഒ​രു​ത​ല​മു​റ​യെ രൂ​പ​പ്പെ​ടു​ത്തു​ക​യും ചെ​യ്യു​ക​യാ​ണോ എ​ന്ന​തും ആ​ലോ​ചി​ക്കേ​ണ്ട കാ​ര്യ​മാ​ണ്. ഒ​രു മ​ധ്യ​വ​ർ​ഗ കു​ടും​ബ​ത്തി​ൽ ജ​നി​ച്ചു​വ​ള​ർ​ന്ന കു​ട്ടി​ക്ക് സ്വാ​ഭാ​വി​ക​മാ​യി എ​ത്തി​പ്പി​ടി​ക്കാ​ൻ ക​ഴി​യാ​ത്ത ആ​ഗ്ര​ഹ​ങ്ങ​ൾ (Aspirations) പ​ല​ത​ര​ത്തി​ൽ അ​വ​രി​ൽ ഉ​ണ്ടാ​ക്കു​ക​യും വ​ള​ർ​ത്തു​ക​യും ജീ​വി​ത​ത്തി​ന്റെ മു​ൻ​ഗ​ണ​ന​ത​ന്നെ അ​വ​താ​ള​ത്തി​ലാ​കു​മാ​റ് കാ​ര്യ​ങ്ങ​ളെ രൂ​പ​പ്പെ​ടു​ത്തു​ക​യും ചെ​യ്യു​ന്ന ഒ​രു സാ​മൂ​ഹി​ക സാ​ഹ​ച​ര്യം നി​ല​വി​ലു​ണ്ട്. സ​മൂ​ഹ മാ​ധ്യ​മ​ങ്ങ​ളും ഡി​ജി​റ്റാ​ലി​റ്റി​യും അ​ത്ത​ര​ത്തി​ൽ ഒ​രു ജീ​വി​ത​രീ​തി​യെ​ത്ത​ന്നെ (Form of life) സാ​ധ്യ​മാ​ക്കു​ന്നു​ണ്ട്. അ​ത് വ്യ​ക്തി​ക​ളു​ടെ മാ​ന​സി​കാ​രോ​ഗ്യ​ത്തെ​യും വൈ​കാ​രി​ക പ​ക്വ​ത​യെ​യും ഒ​ക്കെ പ്ര​തി​കൂ​ല​മാ​യി സ്വാ​ധീ​നി​ക്കു​ക​യും ചെ​യ്യു​ന്നു.

ഇ​ത് സാ​മൂ​ഹി​ക ഉ​ത്ത​ര​വാ​ദി​ത്ത​മി​ല്ലാ​തെ, അ​പ​ര​രു​ടെ വേ​ദ​ന​യെ മ​ന​സ്സി​ലാ​ക്കാ​ൻ സാ​ധി​ക്കാ​ത്ത, വ​യ​ല​ൻ​സി​നെ​യും അ​രാ​ജ​ക​ത്വ​ത്തെ​യും അ​രാ​ഷ്ട്രീ​യ​ത​യെ​യും ആ​ഘോ​ഷി​ക്കു​ന്ന അ​ധാ​ർ​മി​ക​ത​യെ ജീ​വി​ത രീ​തി​യാ​യി അ​വ​ത​രി​പ്പി​ക്കു​ന്ന സാ​മൂ​ഹി​ക അ​വ​സ്ഥ​ക​ളെ​യാ​ണ് രൂ​പ​പ്പെ​ടു​ത്തു​ന്ന​ത്. അ​തു​ത​ന്നെ​യാ​ണ് വ്യ​ക്തി​ക​ളെ ഇ​ത്ര​മാ​ത്രം ക്രൂ​ര​ത​യി​ലേ​ക്ക് ത​ള്ളി​വി​ടു​ന്ന​തും. ന​ന്മ​യും ധാ​ർ​മി​ക​ത​യു​മു​ള്ള സാ​ഹ​ച​ര്യ​ങ്ങ​ൾ സൃ​ഷ്ടി​ക്കു​ക എ​ന്ന​തു​ത​ന്നെ​യാ​ണ് ന​മു​ക്ക് മു​ന്നി​ലു​ള്ള പ​രി​ഹാ​രം. അ​ത​ല്ലെ​ങ്കി​ൽ ഉ​മ്മ​യെ ക​ഴു​ത്ത​റു​ത്ത് കൊ​ന്ന മ​ക​നും, ചു​റ്റി​ക​കൊ​ണ്ട് സ്വ​ന്തം കു​ടും​ബ​ത്തി​ലെ അ​ഞ്ചു​പേ​രെ കൊ​ന്ന ചെ​റു​പ്പ​ക്കാ​ര​നും താ​മ​ര​ശ്ശേ​രി​യി​ലെ പ​ത്താം ക്ലാ​സി​ലെ ആ ​അ​ഞ്ച് കു​ട്ടി​ക​ളും ഇ​ത്ത​രം സം​ഭ​വ​ങ്ങ​ളു​ടെ ആ​വ​ർ​ത്ത​ന​ങ്ങ​ളു​മൊ​ക്കെ ന​മ്മു​ടെ ദൈ​നം​ദി​ന ജീ​വി​ത​ത്തി​ന്റെ ഭാ​ഗ​മാ​വു​ക​യും അ​ത് വേ​ദ​ന​യോ​ടെ നോ​ക്കി​നി​ൽ​ക്കേ​ണ്ടി​വ​രു​ക​യും ചെ​യ്യു​ന്ന സാ​ഹ​ച​ര്യ​മാ​ണ് സം​ജാ​ത​മാ​വു​ക.

(എ​സ്.​ഐ.​ഒ സം​സ്ഥാ​ന പ്ര​സി​ഡ​ന്റാ​ണ് ലേ​ഖ​ക​ൻ)