എളേറ്റിൽ: ആനക്കാംപൊയിൽ ഇരുവഴിഞ്ഞിപ്പുഴയിൽ പതങ്കയത്ത് വെള്ളച്ചാട്ടത്തിൽ കുളിക്കാനിറങ്ങിയ യുവാവ് മുങ്ങിമരിച്ചു. കിഴക്കോത്ത് എളേറ്റിൽ വട്ടോളി ചോലയിൽ കച്ചേരിക്കുന്ന് മുഹമ്മദിെൻറ മകൻ മുഹമ്മദ് സാലിഹ് (22) ആണ് മരിച്ചത്. ശനിയാഴ്ച ഉച്ചക്ക് പന്ത്രണ്ടരയോടെയായിരുന്നു സംഭവം. കൂട്ടുകാരോടൊത്ത് കുളിക്കുന്നതിനിടെയാണ് അപകടം. നാട്ടുകാർ മുങ്ങിയെടുത്ത് തിരുവമ്പാടിയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. കോഴിക്കോട് ഫാറൂഖ് കോളജ് അവസാന വർഷ ഡിഗ്രി വിദ്യാർഥിയാണ്. മാതാവ്: മറിയം. സഹോദരങ്ങൾ: ഹബീബ്, സിറാജ്, മുനീർ, മുഹമ്മദ് ജസീം. മയ്യിത്ത് നമസ്കാരം പോസ്റ്റുമോർട്ടത്തിനുശേഷം ഞായറാഴ്ച ഉച്ചയോടെ ഒഴലക്കുന്ന് ജുമാ മസ്ജിദിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.