ഹൈദരലി തങ്ങൾ: എല്ലാവരും ആദരിക്കുന്ന വ്യക്തി -ടി.കെ ഹംസ

മഞ്ചേരി: പാണക്കാട് ഹൈദരലി ശിഹാബ് തങ്ങൾ രാഷട്രീയ -മത വിത്യാസമില്ലാതെ എല്ലാവരും ആദരിക്കുന്ന വ്യക്തിയായിരുന്നുവെന്ന് സംസ്ഥാന വഖഫ് ബോർഡ് ചെയർമാൻ ടി.കെ. ഹംസ. സൗമ്യനും ശാന്തശീലനുമായിരുന്നു. എല്ലാ ജനങ്ങളോടും രാഷട്രീയ -മത വിത്യാസമില്ലാതെ ഒരുമിച്ച് പെരുമാറിയിരുന്നു.

യാതൊരു തരത്തിലും ദേഷ്യം വരുമായിരുന്നില്ല. പാണക്കാട് കുടുംബത്തിലെ എല്ലാവരും അങ്ങന്നെ തന്നെ ആയിരുന്നു. വ്യക്തിപരമായി എല്ലാവരും ആദരിക്കുന്ന വ്യക്തി കൂടി ആയിരുന്നു. തങ്ങളുടെ വിയോഗത്തോടെ മുസ്ലിം ലീഗിൻ്റെ സംഘടന രംഗത്ത് വലിയ നഷ്ടമാണ് ഉണ്ടായതെന്നും അദ്ദേഹം പറഞ്ഞു.