സ്​​കൂ​ട്ട​റി​ൽ കാ​റി​ടി​ച്ച്​ വീ​ണ നഴ്​സ്​ ടിപ്പർ ലോ​റി ക​യ​റി മ​രി​ച്ചു

ന​രി​ക്കു​നി: കാ​ര്‍ സ്​​കൂ​ട്ട​റി​ലി​ടി​ച്ച് തെ​റി​ച്ചു​വീ​ണ നഴ്​സ്​ ടിപ്പർ ലോ​റി ക​യ​റി മ​രി​ച്ചു. ന​രി​ക്കു​നി കാ​രു​കു​ള​ങ്ങ​ര താ​ഴെ ക​രു​വ​ന്‍പൊ​യി​ല്‍ സ​ത്യ​‍െൻറ ഭാ​ര്യ ബി​നി​ല​യാ​ണ് (41) മ​രി​ച്ച​ത്. ഇ​ടി​ച്ച കാ​ര്‍ നി​ര്‍ത്താ​തെ പോ​യി. വെ​ള്ളി​യാ​ഴ്ച വൈ​കീ​ട്ട് മൂന്നോടെ ബാലുശ്ശേരി - കൂരാച്ചുണ്ട് റോഡിൽ കൊട്ടാരമുക്കിലാണ് അപകടം. കൂട്ടാലിടയിലെ സ്വ​ന്തം വീ​ട്ടി​ല്‍ പോ​യി മ​ട​ങ്ങു​കയായിരുന്നു. ഓവർടേക് ചെയ്തു വന്ന കാർ സ്കൂട്ടറിൽ തട്ടിയതിനെ തുടർന്നു ടിപ്പറിനടിയിലേക്ക് വീഴുകയായിരുന്നു ബിനില. ടിപ്പർ കയറി ത​ല​ക്ക് ഗു​രു​ത​ര പ​രി​ക്കേ​റ്റ ബി​നി​ല​യെ ബാ​ലു​ശ്ശേ​രി താ​ലൂ​ക്ക് ആ​ശു​പ​ത്രി​യി​ലും കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും എത്തിച്ചെങ്കിലും മരിച്ചു. മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി.

നി​ര്‍ത്താ​തെ പോ​യ കാ​റി​നെ അ​ന്വേ​ഷി​ക്കു​ക​യാ​ണെ​ന്ന് പൊ​ലീ​സ് അ​റി​യി​ച്ചു. ന​രി​ക്കു​നിയിലെ സ്വകാര്യ ക്ലി​നി​ക്കി​ൽ ന​ഴ്സാ​ണ്​. കൂ​ട്ടാ​ലി​ട കോ​ണി​പ്പു​റ​ത്ത് ചാ​ലി​ൽ ദാ​മോ​ദ​ര​ൻ നാ​യ​രു​ടെ​യും ദേ​വ​കി അ​മ്മ​യു​ടെ​യും മ​ക​ളാ​ണ്. മ​ക്ക​ൾ: അ​ഥി​ൻ​ജി​ത്ത്, അ​മ​ർ​ജി​ത്ത്. സ​ഹോ​ദ​ര​ങ്ങ​ൾ: ബി​ന്ദു, ര​ജി​ത, ധ​നി​ലാ​ൽ.