ഉത്തർ പ്രദേശിൽ ബൈക്കുകൾ കൂട്ടിയിടിച്ച് നാലുപേർ മരിച്ചു

ലഖ്നോ: ഉത്തർ പ്രദേശിൽ ബൈക്കുകൾ തമ്മിൽ കൂട്ടിയിടിച്ച് നാലുപേർ മരിച്ചു. ശ്യാംദേര പോലീസ് സ്റ്റേഷൻ പരിധിയിലെ മഹാരാജ്ഗജ് -ഗൊരഖ്പൂർ റോഡിൽ തിങ്കാളാഴ്ച രാത്രിയിലാണ് അപകടം നടന്നത്. അജിത്, സന്നി യാദവ്, സുന്ദരം, അന്നുവ എന്നിവരാണ് മരിച്ചതെന്ന് പൊലീസ് അറിയിച്ചു. ഒരാൾക്ക് പരിക്കേറ്റു.

അജിത്, സന്നി യാദവ്, സുന്ദരം എന്നിവർ സഞ്ചരിച്ച ബൈക്ക് നിയന്ത്രണം വിട്ട് മറ്റൊരു ബൈക്കിൽ ഇടിച്ചാണ് അപകടം സംഭവിച്ചത്. നാലുപേരും സംഭവ സ്ഥലത്തുവെച്ച് മരിക്കുകയായിരുന്നു. സംഭവത്തിൽ അന്വേഷണം നടന്നുവരികയാണെന്ന് പൊലീസ് പറഞ്ഞു.