വടകര: കണ്ണൂക്കര ദേശീയപാതയില് ലോറിയിടിച്ച് ഓട്ടോഡ്രൈവര് മരിച്ചു. തട്ടോളിക്കര തെക്കേ എകരത്ത് വിശ്വനാഥനാണ് (55) മരിച്ചത്. ഞായറാഴ്ച ഉച്ചക്ക് ഒരുമണിയോടെയാണ് സംഭവം. ഇടിയുടെ ആഘാതത്തിൽ തലക്കും കാലിനും പരിക്കേറ്റ് ആന്തരിക രക്തസ്രാവത്തെ തുടര്ന്നാണ് വിശ്വനാഥൻ മരിച്ചത്. അപകടം വരുത്തിയ ലോറി നിര്ത്താതെ മാഹി ഭാഗത്തേക്കു പോയെങ്കിലും പൊലീസ് പിന്തുടര്ന്ന് പിടികൂടി. മൃതദേഹം വടകര ഗവ. ആശുപത്രിയില് പോസ്റ്റ്മോര്ട്ടം നടത്തി. വിശ്വനാഥന് തട്ടോളിക്കര യു.പി സ്കൂള് ബസ് ഡ്രൈവറും മുക്കാളിയിലെ ഓട്ടോറിക്ഷ തൊഴിലാളിയുമാണ്. ഭാര്യ: അനിത. മക്കള്: ആതിര, ആദര്ശ്. മരുമകന്: അരുണ്. സഹോദരങ്ങള്: ബാലന്, ദേവി, ശാന്ത, മോളി, പരേതരായ കേളു, രാമന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.