ന്യൂഡൽഹി: ആം ആദ്മി പാ൪ട്ടി കണ്ണുവെച്ചിരുന്ന ഓൾഡ് ഡൽഹിയിലെ മുസ്ലിം വോട്ടുകളെ സ്വാധീനിക്കാൻ കെൽപുള്ള മുൻ എം.എൽ.എയെ കോൺഗ്രസ് പാട്ടിലാക്കി. ജുമാമസ്ജിദ് സ്ഥിതിചെയ്യുന്ന മതിയാ മഹൽ സീറ്റിൽ നിന്ന് പല പാ൪ട്ടികളുടെ സ്ഥാനാ൪ഥിയായി പലവുരു വിജയിച്ചിട്ടുള്ള ഷുഹൈബ് ഇഖ്ബാലാണ് കോൺഗ്രസിൽ ചേരാൻ തീരുമാനിച്ചത്. രാജ്യത്തെ രാഷ്ട്രീയ സാഹചര്യം പരിഗണിച്ചാണ് കോൺഗ്രസിനൊപ്പം ചേരുന്നതെന്ന് വിശദീകരിച്ച ഷുഹൈബ്, കോൺഗ്രസിനു ലഭിക്കേണ്ട വോട്ടുകൾ ഭിന്നിപ്പിച്ച് ബി.ജെ.പി വിജയിക്കാൻ വഴിയൊരുക്കിയത് ആം ആദ്മിയാണെന്നും ആരോപിച്ചു. ഷുഹൈബിൻെറ കോൺഗ്രസ് പ്രവേശം ഡൽഹിയിലേക്ക് പ്രവ൪ത്തനം വ്യാപിപ്പിക്കാൻ തയാറെടുക്കുന്ന ഉവൈസിയുടെ മജ്ലിസ് പാ൪ട്ടിക്കും തിരിച്ചടിയാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.