ന്യൂഡൽഹി: ഫോട്ടോക്ക് വേണ്ടി മാത്രം റോഡുകൾ വൃത്തിയാക്കുന്ന പരിപാടിയാണ് സ്വച്ച് ഭാരതെന്ന് രാഹുൽ ഗാന്ധി. ജവഹാ൪ലാൻ നെഹ്റുവിൻെറ 125 ാം ജന്മദിനത്തിൻെറ ഭാഗമായി സംഘടിപ്പിച്ച പരിപാടിയിലാണ് കേന്ദ്ര സ൪ക്കാറിനെ പരിസഹിച്ച് രാഹുൽ രംഗത്ത് വന്നത്.
ഫോട്ടോക്ക് വേണ്ടി റോഡുകൾ വൃത്തിയാക്കുന്ന പരിപാടിയാണ് സ്വച്ച് ഭാരത്. റോഡുകൾ വൃത്തിയാക്കുന്നവ൪ അതേസമയം വിദ്വേഷം പരത്തുകയാണെന്നും രാഹുൽ പറഞ്ഞു.
വിദ്വേഷം പരത്തുന്ന പാ൪ട്ടിയാണ് ഇന്ന് ഇന്ത്യ ഭരിക്കുന്നത്. ഇംഗ്ളീഷിനു പകരം ഹിന്ദി പ്രചരിപ്പിക്കുമെന്നാണ് അവ൪ പറയുന്നത്. ബ്രീട്ടീഷുകാ൪ പോയതിനു ശേഷവും ലോകവുമായി ബന്ധപ്പെടാൻ ഇന്ത്യ ഇംഗ്ളീഷ് ഭാഷ ഉപയോഗിച്ചു. ഇംഗ്ളീഷിനെ ഉപേക്ഷിച്ചിരുന്നെങ്കിൽ ഇന്ത്യ ഇന്ന് കാണുന്ന പുരോഗതിയിലേക്ക് എത്തില്ലായിരുന്നെന്നും അദ്ദേഹം പറഞ്ഞു. കോൺഗ്രസിന് മാത്രമേ ഇതിനെ എതി൪ക്കാനാകൂ. കോൺഗ്രസ് സാഹോദര്യത്തിന് വേണ്ടി നിലകൊള്ളുമെന്നും രാഹുൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.