പള്ളിക്കര: ഏഷ്യന് ഗെയിംസ് ഹോക്കി സ്വര്ണം നേടിയ ഇന്ത്യന് ടീം ഗോള്കീപ്പര് ശ്രീജേഷിന് ജന്മനാടായ എരുമേലിയില് വരവേല്പ് നല്കി. ഞായറാഴ്ച ഉച്ചക്ക് എത്തുമെന്നറിഞ്ഞതോടെ നാട്ടുകാര് സ്വീകരണം ഒരുക്കുകയായിരുന്നു. വൈകുന്നേരം 3.30ഓടെ നിരവധി വാഹനങ്ങളുടെ അകമ്പടിയോടെ നെടുമ്പാശ്ശേരി വിമാനത്താവളത്തില്നിന്ന് ശ്രീജേഷ് എരുമേലി അയ്യപ്പന് കവലയിലത്തെി. തുടര്ന്ന വിവിധ സംഘടനകള്ക്കുവേണ്ടി ഹാരാര്പ്പണം നടത്തി. അവിടെനിന്ന് അലങ്കരിച്ച തുറന്ന വാഹനത്തില് കയറിയ ശ്രീജേഷിനെ വാദ്യമേളങ്ങളുടെയും മുത്തുക്കുടകളുടെയും അകമ്പടിയോടെ വീട്ടിലേക്ക് ആനയിച്ചു. വഴിയരുകില് എന്.എസ്.എസ് എരുമേലി കരയോഗം അംഗങ്ങള് പ്രത്യേക സ്വീകരണം ഒരുക്കി. വീട്ടിലത്തെിയ ശ്രീജേഷ് തനിക്ക് കിട്ടിയ സ്വര്ണപ്പതക്കം മകള് അനുശ്രീയെ അണിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.